Sajadâh
Tave-Lappi, Aanaar, Pänituodâr
Avelist 11 km tavas Äijihjáávrán, kost jorgeet čižetpel čievrâmaađij (Koolbâst lohá: Kirakkajoen vuokratupa), čievrâmaađij mield 2,3 km Rááhájäävri kärbissáátkun. Kärbissááđhust lii lukkâdum riäiduloová já käärbis, Kala-Palta, registeristum 4 ulmui. Jis haalijd kärbismoottor, te laiguutteijee kalga pyehtiđ jieijâs kärbismoottor tâi laiguuttiđ taggaar.
Kärbismätki Rááhájäävri viestârkiäčán lii sl. 11 km. Kárbáin jođedijn kannat leđe uáli murriš já vyeijiđ hitásávt jäävri keeđgij já káárgui tiet. Avžuuttâs lii, et kárbáin jotá peeivičuovâ ääigi, porgemáánust ehideh já iijah láá siävŋuseh já čohčâmáánu peln sevŋâdeh. Kärbissááđhu riäiduloovást lii kárttá Rááhájäävrist. Toos láá merkkejum tiäđust leijee viärráámus keeđgij sajeh. Keeđgij sajadâh ij lah tärkki iäge puoh keeđgih lah pyereest kärttejum.
Muulsâiävtulâš kiäinu:
Avveel kirhoost jorgeet maađij čižetkietân Puddojáávrán, mecciautomaađij mield piäsá Matala Harrijärvi taavaakiäčán, kost väzzimmätki Kaareehjuuvâ káámpán sundedmáin lii suullân 6 km. Kiäinuh iä lah merkkejum!
Tuve koordinaateh: Euref-Fin (~ WGS84) lat: 68° 51.9640' lon: 68° 43.4454' lon: 27° 11.7732' ETRS-TM35FIN: N: 7623610 E: 507945
Retkikartta.fi (suomâkielân)
Aldemus naaburân lii 5 km mätki.
Aldemuš sijdâ lii Avveel 23 km keččin, mast láá puoh vuáđupalvâlusah.
Hadde
Hadde 75 € / ijjâ tâi 525 € / okko (sis 10% álv). Káámpá puáhtá väridiđ njuhčâ-roovvâdmáánust.
Čovduuh
Čovduid puáhtá viežžâđ Ivalo River Camping -leirintäalueelta (ivalorivercamping.com) (Kerttuojantie 1, 99800 Ivalo, puh. 040-039 5046), Avveel palvâlemčuággást tâi Paje-Laapi luándukuávdáš Siidast máksukuuitâ vuástá. Čoovdâ macâttuvvoo siämmáá sajan.
Reiskääpih
Lieggiimân muorâuvnâ, kaasuhellá, olgohiivsig, olgokiällár, sávni já čuovânâssân láá kiinttâlijd. Juuhâmčääci puáhtá väldiđ jäävrist teikâ käldest.
Sävni lii sierânâs huksiitâsâst, komposthiivsig sehe šiljoost tulâstâllâmsaje já kyele suovâstemlitte.
Huámmáš, et šiljopirrâs puáris kámppá já suovâsävni iävá lah kiävtust.
Láigukámppá reiskääpih (pdf 116 kt)
Tuuveest láá pasâttâsliteh, mut avžuuttuvvoo, et máđháliih pyehtih pasâttâsâidis ekočuággáid, moh láá Avveel markkân. Luuvâ lase ruskâttis vaandârdmist.
Huámášutmeh
Tupán ij uážu pyehtiđ jiellâhelleid kiđđâtäälvi äigin. Luuvâ lase (suomâkielân)
Vääldi fáárun wc- já kievkkân pápáreh já kinttâleh.
Huolâttâsâst västideijee
Meccihaldâttâs, Luándupalvâlusah.
Lasetiäđuh Avveel palvâlemčyegis, puh. 0206 39 7701, já Paje-Laapi luándukuávdáš Siida, puh. 0206 39 7740.
