Pisovááh čáitálduvah
Kultturekologisiih čáitálduvah oovdânpyehtih, maht Säämi luándu já sämmilâš algâaalmug láá vuáhádum korrâ šoŋŋâdâhân:
- Läiđejeijee čáitáldâh oovdânpuáhtá, maht Säämi luándu já kulttur láá ovdánâm jieŋâpaajeest kidâ onnáá peeivi räi.
- Váldučáitáldâh oovdânpuáhtá Säämi eellim eromâš jiešvuođâid pirrâmive riitmâst.
- Luuvâ lase čáitálduvvâst (siida.fi).
Mulsâšuvvee čáitálduvah
Siidast láá mulsâšuvvee čáitálduvâi várás kulmâ viste, main luándukuávdáš já sämimuseo uárnejeh jyehi ive maaŋgâlágán luándu- já kultturčáitálduvâid. Luuvâ lase mulsâšuvvee čáitálduvâin (siida.fi).
Juávkku-uápistmeh
Siidast láá kyessijuávhui várás väridemnáál uápistum joođeetmeh suomâkielân, eŋgâlâskielân, saksakielân já ruotâkielân. Uápistem ij lah nuuvtá já tom kalga väridiđ muuneeld. Juávkku-uápistem pištá 1 h. Uápistem heiviittuvvoo tienuuvt, et tot suápá kyessijuávkun. Avžuuttâš lii, et juávkun kuleh enâmustáá 25 olmožid.
Kesipaje ääigi olgosmuseost puáhtá tiiláđ teemauápistem, mast kyesih pyehtih uápásmuđ toos, maggaar eellim lâi Anarist 1850-lovvoost. Uápistem pištá oovtâ tijme já tom puáhtá tiiláđ suomâkielân, eŋgâlâskielân, saksakielân, ránskákielân teikkâ espanjakielân. Teemauápistem hadde lii 130 € (sis. 24 % álv).
Lasetiäđuh Siida uápistmijn (siida.fi, suomâkielân).
AV-oovdânpyehtimeh auditoriost
- Luándukovvejeijee Martti Rikkosii kuovsâkkâskuuvijn čuákkejum multimediaoovdânpyehtim "Aurora Aanaar" (10 min) tälvipaje ääigi jyehi peeivi tijme 12 já 15 já kesipaje ääigi jyehi peeivi tijme 11, 14 já 17. Kuuvijd läiđee tijdâlágán Vilddas-muusikjuávhu muusik, já oovdânpyehtimân láá finnimnáál teevstah kuuđâ kielân. Oovdânpyehtim kulá siisâpeessâmliipu haadan. Kuovsâkkâsoovdânpyehtimeh čáittojeh, jis auditorio ij lah eres kiävtust.
- Oovdânpyehtimijd puáhtá meiddei tiiláđ juávhui várás 15 € / oovdânpyehtim (sis. 10 % álv), muulsâiähtun kuovsâkkâs- já Aanaarjävrioovdânpyehtimeh.
Evviskáátus
Siida šiljo kättejum vuoiŋâstemsaajeest puáhtá puurrâđ jieijâs evvisijd.
