Čaarmâuáivái palvâlusah

Äššigâspalvâlus já uápistem

Čaarmâuáivái meccikuávlust iä lah luándukuávdááh tâi tuveh, mut aldemuin aassâm- já mađhâšemkuávdáin toh láá maaŋgah. Tárbulijd káártáid já luuvijd finnee täin soojijn.

• Meccihaldâttâs Urho Kekkonen aalmuglâšmeeci palvâlemčyegis Kiehinen, Suáluičielgi
• Meccihaldâttâs Avveel palvâlemčyegis
• Paje-Laapi luándukuávdáš Siida, Aanaar

Purâdem, mälistem já evvisij haahâm

• Meccikuávlust iä lah tulâstâllâmsajeh iäge eres palvâlusah.
• Staatâ enâmijn Paje-Laapist lii Meccihaldâttâs unnum tulâstâllâm sirânâs lovettáá enâmân koččâm riissijd já oovsijd keevtin. Keččâl puálláátiđ tuulâ puáris tulâstâllâmsajan, jis tot lii máhđulâš.
• Meccipuáluváruttâs äigin sajostuulâ puáldim lii kieldum. Mätkivuoššâm uážžu kuittâg kevttiđ.
• Avelist (inari.fi) láá maaŋgah käävpih já kähvivisteh.

Juuhâmčääci

• Čääci juuvât ubâ kuávlust, mut pakkân kannat čääsi kuittâg vuoššâđ tâi putestiđ silliimáin. Siemin láádužijn, moin lii orroo čääci ij ton kannat kuittâg juuhâđ.

Pasâttâshuolâttâs

• Meccikuávlust ij lah pasâttâshuolâttâs ađai vandârdeijeeh kalgeh tuálvuđ ruskijdis meddâl meeccist. Luuvâ lase roskettis vaandârdmist.

Ijâstâllâm

• Teltastâllâm lii loválâš jyehialmaavuoigâdvuođâ (ymparisto.fi, suomâkielân) mield.

Ijâstâllâm aldasijn

Láigukámpáh

• Láigukámpáh väriduvvojeh ollásávt jieijâs kiävtun Lomarengas (lomarengas.fi, suomâkielân). Meccikuávlu máddáábeln láá kyehti Meccihaldâttâs lukkâdum láigutuve:
  • Naŋŋâjäävri (lomarengas.fi, suomâkielân) já Kolmâsjäävri (lomarengas.fi, suomâkielân) meccikámpáh.

• Avelist (inari.fi) láá hotelleh já eres ijâstâllâmfinnoduvah.

Lihâdemiästulij palvâlusah

• Meccikuávlust iä lah palvâlusah lihâdemiästulijd.

Eres palvâlusah aldasijn

• Aldemuuh paaŋkih, apteek já tiervâsvuođâkuávdáš kávnojeh Avelist (inari.fi). Tobbeen kávnojeh meiddei käävpih, ravâdâsviäsuh, kähvivisteh, huolâttâssajattuvah, taaksih já ijâstâllâmpalvâlusah.