Tave-Lappi, Aanaar
Vijđodâh 150 km2, vuáđudum 1991
Čaarmâuáivái meccikuávlu lii viehâ ucce, mut enâduvâidis peeleest eromâš tuodârmecci Aanaar kieldâst Ruošâ rääji aldasijn. Meccikuávlu lii Avelist Njellimân já Räji-Joovsepân mannee maađijjij já Ruošâ rääji kooskâst. Meccikuávlu váimus hämmejeh Čaarmâuáivi pajos já Ákálávttááuáiváš, maid iärut nubijnis kieŋâlis Pahaskurrâ.
Tuodârkuávlu roobdâin láá jievjâmkuosâvyevdih já taavaabeln puáris aikkâvyevdih. Vieltih aceh čuássáás lahtâs, já käldeežij čaasijn šaddeh juvviih, moh viijmâg kulgijdeh Looton tâi Paččvein.
Kuávlust iä lah vandârdâmruustigeh, mut hárjánâm vandârdeijee mákkoo Čaarmâuáivist älkkest maaŋgâid peeivijd ton fiijnâ enâduvâi keežild. Čaarmâuáivi mučis enâduvâin kávnojeh puoh Säämi luándu jiešvyevih, maid jottee ocá. Meccikuávlu rááján jođetteh ereslasseen Kondosjäävri já Naŋŋâjäävri mecciavdomaađijjeh, et meiddei peivimađhij toohâm lii máhđulâš.
Čaarmâuáivi mecci lii pivnuu meiddei miäcásteijei koskâvuođâst. Viehâ šiev eennâmloddenääli já máhđulâšvuotâ kuáhtáđ kuobžâ finnejeh maŋgâs jotteeđ siämmáid kiäinuid ivveest ihán.
Kuávlu tipšo: Meccihaldâttâs, Laapi Luándupalvâlusah (suomâkielân) (Lapin Luontopalvelut).
Taan siijđo čujottâs lii aanaar.lundui.fi/caarmauaivaah.
