Määđhi vyelgimsajeh

Aanaarjáávrán puáhtá vyelgiđ maaŋgâ sierânâs saajeest. Ko lii saahâ stuorrâ jäävrist ige juuvâst, te ij lah lemin tuše tiätu kiäinu, pic maađhijd ferttee jieš vuáváđ. Já talle-uv, ko vyelgidijn lii kiäinuvuávám valmâšin jurdâččum, te kalga rahttâttâđ toos, et tom kárttá rievdâdiđ šooŋâi mield.

Mieldičuávvoo káártán láá merkkejum táválumoseh vyelgimsajeh. Toh láá kärbishamâneh tâi kárbályeštimnjuáiduseh, moh láá almolâš kiävtust.

Vyelgimsoojij koordinaateh, WGS 84 -vuáhádâh (autonavigaattor) kobdodâh ja kukkodâh

Jäävrist iä lah merkkejum miällumkiäinuh. Čuávuváin kiäinuiävtuttâsâin láá kovvejum káártást motomeh raavâlâš kiäinuh. Toi čuávvum váátá káártá já meeci luuhâmtááiđu, já tiäđust-uv še tuárvi šiev šooŋâ. Kiäinuid ij pyevti miälluđ nievris šooŋâst. Kiäinuiävtuttâsah láá rahtum vyelgimhaammân mield.

Kieđâst kietâpuhelin, kost uáinoo Retkikartta.fi. Tot leehâst Aanaar vandârdemkuávlu kártá Retkikartta.fi:st (suomâkielân).