Jotteemohtâvuođah
Almos jotteemriäiduiguin
Suomâst
- Aldemus ryevdirađesajattâh lii Ruávinjaargâst. Äigitaavluh (vr.fi, suomâkielân)
- Ruávinjaargâst lii piäiválâš linjâšauto-ohtâvuotâ Avelân (matkahuolto.fi, suomâkielân). Avelist 40 km Njellimân já Njellimist lii vala 14 km Piilola pálgá máddáápiäláá vyelgimsajan.
- Aldemus kirdemsajattâh lii Avelist (finavia.fi, suomâkielân).
Taažâst
- Aldemus kirdemkieddi (avinor.no, tárukielân) lii Kirkkonjaargâst. Avelist lii keessiv jyehi peeivi linjâšauto-ohtâvuotâ (matkahuolto.fi, suomâkielân) Suomâ Njiävđámân. Taažâbeln Taažâ Njiävđámist piäsá linjâšautoin (boreal.no, tárukielân) Kirkkonjaargân. Suomâ Njiävđámist Taažâ Njiävđámân ij lah linjâšauto-ohtâvuotâ, maađij mield mätki lii 13 km.
- Kirkkonjaargâst lii linjâšauto-ohtâvuotâ (snelandia.no, tárukielân) Vaggatem siijdân já suullân 11 kilomeetter kiäčán Piilola pálgá vyelgimsaajeest.
Autoin
Suomâst
- Suomâst Avelist lii mätki 40 km Njellimân já Njellimist lii vala 14,5 km mätki Piilola pálgá vyelgimsajan.
Njellimist kalga vyeijiđ maađij nr 969 mield 3 km Virdáánjaargâ kulij já jorgettij Kessi maađij oolâ (Kessintie) nr 9696:n. Ko Kessi maađij vuájá suullân 10 km, te pálgá vyelgimsaajeest lii parkkisaje sehe uápistemtavlu já uápistemkolbâ.
Taažâst
- Kiäinu taavaapiälááš vyelgimsaje lii 11 km Vaggatem siijdâst uárjás. Vaggatemist kalga juátkiđ 2 km maađij nr 885 mield máádás. Paje-Paččvei aalmuglâšmeeci uápistemtavlu puotâ rátkoo mecciautomaađij, mon mield kalga vyeijiđ 9 km já talle piäsá kiäinu vyelgimsajan Sortbrysttjern-nommâsii jäävri riidon.
Páiháliih taksi- já ohjelmpalvâlusirâtteijeeh fäällih sáttupalvâlusâid Suomâst (suomâkielân) já Taažâst (visitnorway.com, eŋgâlâskielân). Kiäinu vyelgimsoojij koskâsâš mätki maađij mield lii suullân 290 km. Taažâ Njiävđámist Sorbrysttjern-jäävri riidon lii suullân 47 km já Taažâ Njiävđámist Suomâ Njiävđámân 13 km.
Káártáh
- Meccihaldâttâs Retkikartta.fi (suomâkielân)
- Eennâmmittedâmlájádâs kárttásaje (maanmittauslaitos.fi, suomâkielân)
Eres káártáh
- Meccikáártá nummeer W514, 1:50 000.
- Inarijärvi-Vätsäri-Tsarmitunturi, 1:25 000 já 1:100 000, Calazo 2021.
- Vätsäri-Kessi-Øvre Pasvik, 1:50 000, Karttakeskus 2020.
- Retkeily-GT kárttá Tave-Suomâ, 1:400 000, Karttakeskus 2016.
