Aanaarjäävri čäcikiänui palvâlusah

Äššigâspalvâlus já uápistem

• Siida - Sämimuseo já Paje-Laapi luándukuávdáš
  • Meccihaldâttâs äššigâšpalvâlemsaje Siidast fáálá tiäđu Aanaar vandârdemkuávluin já puohâin eres-uv Paje-Laapi luándučuásáttâsâin. Pisovâš já molsâšuvvee čáitálmâsâi lasseen Siidast finnee vandârdemravviittâs, káártáid já luuvijd ubâ Paje-Laapi kuávlun.
• Meccihaldâttâs Avveel palvâlemčyegis
  • Tiäđuh já káártáh Paje-Laapi kuávlust
  • Kuálástem-, miäcástem- já meccijotolâhluvij vyebdim

Oovtâstpargopeelij faallâm palvâlusah vandârdemkuávlust

• Vandârdemkuávlust palvâlusâid fäällih oovtâstpargopeleh.
  • Tain lii oovtâstpargosopâmuš Meccihaldâttâssáin já toh olášuteh pištee luándumađhâšem prinsiipâid ko tuáimih Aanaarjäävri.

Purâdem, mälistem já evvisij haahâm

Kähvivisteh, ravâdâsviäsuh, puuvdah já kioskih

• Siidast tuáimá ravâdâsviäsu Sarrit (siida.fi).
• Anarist ja Avelist láá puuvdah, ravâdâsviäsuh já kähvivisteh.

Juuhâmčääci

Aanaarjäävri čääsi markkân alda kannat leđe kevtihánnáá juuhâmčääccin, mut kolgee čaasijd puáhtá juuhâđ.

Tulâstâllâmsajeh

• Meccihaldâttâs toollâm kárbáinjotteemtoorjâsoojijn já eres vuoiŋâstemsoojijn láá aitârdum tulâstâllâmsajeh. Luuvâ lase ”Vandârdem ABC” tulâstâllâmravvuin.
• Kárbáinjotteemtoorjâsoojijn láá tullâsoojij lasseen káttusijguin syeijejum tulâstâllâmsajeh. Tágáreh toorjâsajeh láá  Piälppáávuonâ, Káhkusuálui, Lyevisuálui, Pecsuálui, Jieŋâsuálui, Tyllylahti, Speinnjargâ já Puoiduusuálui.
• Tulâstâlmist kalga vuosâsajasávt kevttiđ huksejum tulâstâllâmsoojijd. Tulâstâllâm lii kieldum meccipuáluváruttâs ääigi.
• Kárbáinjotteemtoorjâsoojijn já eres vuoiŋâstemsoojijn láá muorâliidereh. Keevti háálguid šiäštulávt.

Pasâttâshuolâttâs

• Mij tuáivup, et riijâääigi jotteeh pyehtih pasâttâsâidis maasâd, ko puátih meddâl jäävri alne. Biopasâttâsâid puáhtá kyeđđiđ hiivsigáid mieskâđ.
• Kieldâlâš pasâttâsâi šlajâttâllâmsaje lii kaskoo Aanaar markkân. Ekočuággáh láá kärbishamânijn Viäskoonjaargâst, Naŋŋânjaargâst, Njellimist já Anarist.
• Ävđin- já peivituuvijn iä lah innig pasâttâsliteh, nuuvtpa tuálvu fárustâd tom, maid puohtih-uv. Purrâmâšpasâttâsâid já eres biopasâttâsâid puáhtá kyeđđiđ vuoiŋâstemsaje koškehiivsigân. 
• Luuvâ lase lyenettes vaandârdmist. 

Koškehiivsigeh

• Ävđintuuvijn já kárbáinjotteemtoorjâsoojijn láá koškehiivsigeh.

Ijâstâllâm

Teltastâllâm já láávuh

• Kárbáinjotteemtoorjâsoojij ohtâvuotân láá kieskâd huksejum motomeh teltastâllâmsajeh, il. Pecsuolluu, Tyllylahti já Lyevisuolluu teltastâllâmsajeh. Teltastâllâmsoojijn láá muorâst rahtum telttavuálááh, maid puáhtá lahteđ nubijdis. Vuálááh siäiluduvvojeh káttus vyelni, vâi toh pisoh koškesin já putesin.
• Koskâpuddâsâš teltastâllâm lii máhđulâš juáhháá vuoigâdvuođáin (suomâkielân), ko peri ij heemâd kuávlu eres kevtteid.

Ävđintuveh

Ävđintuuvijn puáhtá ijâstâllâđ iijâ tâi kyehti, täärhib tiäđu tuuvijn uážuh tupatyypit-siijđoin (suomâkielân). Aanaarjäävri ävđintuveh láá eidu puoh pyeremus ärbivuáváliih ävđintuveh. Šuármáás šoŋŋân toh fäälih koške já lieggâ syeje nuuvt tekkivuoimijguin ko moottorkárbáin-uv jotteid.

• Pecsuálui
• Jieŋâsuálui
• Lyevisuálui
• Puoiduusuálui
• Káhkusuálui
• Pisteri (suomâkielân)

Avžuuttettee lii, et jotteeh mälisteh sierânâs vuoššâmkáttusist tain kárbáinjotteemtoorjâsoojijn, main taggaar lii. Návt tuuveest liävu tarbâšeijee ulmuuh uážžuh uáđđiđ ráávhust.

Láigutuveh

Meccihaldâttâsâst láá motomeh láigutuveh Aanaarjäävrist.

• Riämnjánaargâ láigutupe (suomâkielân), jäävri taavaauásist Pärttih Riämnjánjaargân sajadum hiirsâin rahtum meccikámppá.
• Mahlad láigutupe, Aanaarjäävrist, Mahlad taavaabele siemin suolluužiist.
• Jorŋâluohtâ, Tave-Anarist Varttaasuolluu aldasáid sajadum vuáđutivodum láigutupe.

• Pecsuálui (lomarengas.fi, suomâkielân), Aanaarjäävri Segispecsuolluu viestârriddoost suáijáás luohtâpoođâst.  

Ijâstâllâm aldakuávluin

• Ijâstâllâmpalvâlusah kávnojeh ereslasseen. Avelist, Viäskoonjaargâst, Njellimist, Äijihjäävrist, Anarist,Kaamâsist já Pärttishist.

Riäidui laiguuttem

• Kuávlu irâtteijein (laplandnorth.fi, suomâkielân) puáhtá laiguuttiđ kárbáid, kanoottijd, moottorkiälháid já vandârdemreiskääpijd.

Kärbisjottei palvâlusah

Väävlih

• Aanaarjäävrist láá vävlimeerhah, moid lii pyeri nuávdittiđ jäävri karguusvuođâ tiet.
• Vavlij almos jotteemkieŋŋâlvuotâ lii 1,8 m, motomijn puuvijn já riddopiälláin jotteemkieŋŋâlvuotâ lii 1 m. Iänááš jävrikuávlu tuveh láá älkkest aldanemnáál, mut tuuviijd iä lah merkkejum virgáliih väävlih.
• Aanaarjäävri kärbisjotteemkáártán (nr 480) láá merkkejum kärbisjotolâhväävlih já kieŋŋâlvuođâsárgáh.

Hamâneh

• Kyeli- já kärbishamâneh láá Anarist, Naŋŋânjaargâst, Viäskoonjaargâst já Njellimist.

Kärbislyeštimsajeh

• Kärbislyeštimsajeh láá Avelist, Viäskoonjaargâst, Naŋŋânjaargâst, Njellimist, Äijihjäävrist, Anarist, Väävlist, Pärttihist já Njižžjäävrist.

Puáldámušâi jyehim

• Hamânijn ij lah puáldámušâi jyehim, mut Aanaar markkânist já Njellimist puáldámušâi vyebdimsajeh láá haammân alda.

Eres palvâlusah aldakuávluin

• Aanaar markkânist lii paŋkkiavdomaatti, äššialmaipostâ, tiervâsvuođâtáálu, kyehti purrâmâškäävpi, talhâsskäppi, taksi já huolâttâssajattâh.
• Avelist láá aldemuuh tiervâsvuođâkuávdáš, apteek já eres ko piäiválâštäävvirpuuvdah.
• Anarist tuáimá kirdemjođettâspalvâlem.
• Páiháliih irâtteijeeh (laplandnorth.fi, suomâkielân) fäällih meiddei uápistum vandârdempalvâlusâid, tegu kuálástem-, kärbis-, kuoškâlyeštim- já moottorkiälkkámaađhijd.