Täärhist váruttâsâid

Vyevdi- já kulopuáluváruttâs ääigi tulâstâllâm lii loválâš tuše pocceiguin, loovdum tulâstâllâmsoojijn sehe ävđintuuvij já kámpái tullâsoojijn eromâš várugâšvuođâin. Tuulâ cokkiittijjee västid ain tulâstâllâm torvolâšvuođâst. Vääldi vuotân, et tulâstâllâm  puáhtá kieldiđ sierâ jieš kote-uv saajeest.

Täärhist vyeimist leijee váruttâsâid (ilmatieteenlaitos.fi, suomâkielân)

Ravvuuh Lemmee liihâdmân

Lemmee aalmuglâšmeeccist
lii loválâš

  • lihâdiđ vääzin, čuoigân, suuvân ja miälun jyehialmaavuoigâdvuođáin (www.ymparisto.fi, suomâkielân) eereeb raijiittâsuásist. Rovâdâskorže raijiittâsuásist lihâdem lii loválâš tuše merkkejum pálgái mield.
  • muorjim já purâttettee kuobbârij nuurrâm.

räijejum

  • ávustuulâ cokkiittem já leirâdem aalmuglâšmeeci virkosmittemstiellâsist, kost ávustuulâ cokkiittem já leirâdem lii loválâš tuše toi várás čujottum soojijn.
  • uággum já jieŋâuággum, mii lii loválâš tuše aalmuglâšmeeci virkosmittemtiellâs ulguubiälásijn lááduin já jaavrijn.

kieldum

  • ávustuulâ cokkiittem meccipuáluváruttâs ääigi.
  • jiellâhellei luovâsin toollâm.
  • muorâi, miestui sehe šadoi já toi oosij, eereeb purâttettee kuobbârij, nuurrâm já vahâgittem.
  • eennâm- teikkâ källeevuáđu vahâgittem já eennâmamnâsij teikkâ kuáivuttâhmineralij nuurrâm.
  • luándust ellee čielgitáávtág ellei pivdem, koddem teikkâ hettuuttem teikkâ toi piervâlij tuššedem.
  • čielgitävtittes ellei pivdem teikkâ nuurrâm.
  • moottorniävuiguin vyeijim eereeb toos čujottum kiäinuin.
  • ruskim teikkâ huksiittâsâi vahâgittem.
  • miäcástem. Päikkikodálijd miäcástem lii loválâš sii päikkikieldâ kuávlust (miäcástemlaahâ 8 §)
  • aalmuglâšmeeci tuárisstiellâsist láá jieijâs vuáválâšvuođah. Kollekuáivoi väldidmeh láá siämmáálágán kuávluh ko táálu šiljoh, kuus ij pyevti pokkiidâttâđ lovettáá. Motomeh kollekuáivoin uárnejeh kolletoidemohjelm turistij várás, nubeh halijdeh kuáivuđ ráávhust.

Kove: Martti Rikkonen

Muuneeldrahttâttâm

Mätkipuhelin kulluuvâšvuotâ

  • Veikkâ Suomâ mätkipuhelinviermih láá-uv vijđáh, aalmuglâšmeeci kuávlust sättih leđe viermittes kuávluh. Täärhist, maggaar tuu operaattor mätkipuhelinviermi lii. Ton lasseen ain láá sajeh, kogopeht puhelin ij kulluu teikkâ suáitu ääigi láá hemâdâsah. Tallee sáttá išediđ jis kuárŋu enâduvvâst aleláá, ávus sajan já/teikkâ váldá puhelimist SIM-koortâ meddâl etisuáitu ááigán. Kannat kiddiđ huámmášume toos, ete jiekote-uvlágán mätkipuhelimij kooskâst láá iäruh kulluuvâšvuođâst.

Anokáálvuh

  • Lemmest lihâdijn kolgâččij leđe fáárust aainâs-uv kárttá, kompas já vandârdemkáálvuh määđhi kukkoduv iähtun.
  • Fáárun kannat väldiđ meiddei vuosâišepakkeet.
  • Pirrâs šeštee vandârdem

Torvolâšvuotâ

  • Aalmuglâšmeeci tuárisoosijn vandârdem lii váddásub ko merkkejum kiäinui alne, ton tááhust lihâdem tobbeen váátá hárjáneme vaandârdmân.
  • Mušte kyeđđiđ ustevsâd teikkâ uápistemtupán almottâs alnestâd já tast, maggaar lii tuu äigitavlu já kiäinuvuávám. Uápásmuu meid Vandârdem ABC -uási ravvuid torvolâsvuođâst, om. värikiäinuvuáváámist.
  • Keejâ meiddei vandârdemčuosâttuvvâd äigikyevdil-sijđo.
  • Jis šadda eeti, ovdâmerkkân jis tun čájádâh, vahaduuh teikkâ uáináh puálu enâduvvâst, suáiti numerân 112 já almoot etitiileest. Tiäđuh etitiileest toimâmist. 

Sesonkiääigih

  • Pyeremus ruškeäigi lii čohčâmáánust, ton ääigi jotteeh láá enâmustáá.
  • Aalmuglâšmeeci oosijn vuáđu-uási, Lemmee vyemi já kollekuávlu, lii pivnohumos.

Kove: Seppo Leinonen

Luándusuojâlemkuávluin pennuid kalga toollâd kiddâ.