Piilola pálgá palvâlusah

Äššigâspalvâlus já uápistem

Tárbulijd káártáid já luuvijd finnee täin soojijn.

• Meccihaldâttâs Avveel palvâlemsaje
• Paje-Laapi luándukuávdáš Siida, Aanaar

Oovtâstpargopeelij faallâm palvâlusah Piilola pálgá alda

• Liŋkkâ suomâkielâ siijđoin

Juuhâmčääci

Čääci lii iänááš juvâttettee ubâ kuávlust. Juuvâi já kolmâkäldei čääci lii pyereeb ko jävričääci. Luándučaasij kevttim lii kuittâg juáhháá jieijâs ovdâsvástádâsâst. Lieggâ peeivi čääsi kannat vuoššâđ.

Pasâttâshuolâttâs

• Ävđintuuvijn já láávuin láá pasâttâsliteh, mut vandârdeijeeh avžuuttuvvojeh pyehtiđ mieskâhánnáá luonijd meddâl meecist já šlajâttâllâđ taid. Biopasâttâsâid puáhtá pieijâđ koškehiivsigân.   
• Lyenettes vandârdem

Puáldimmuorâhuolâttâs

• Ävđintuuvijn sehe láávuin láá puáldimmuorah já ákšu muorâi luáddumân. Keevti muorâid šiäštulávt. 
• Puáldimmuorâhuolâttâs tábáhtuvá tälviv moottorkiälháiguin.

Huolâttâsâst västideh

• Pasâttâs- já muorâhuolâttâsâst västid Suomâ peln Meccihaldâttâs luándupalvâlusah.
• Taažâst kiäinu huolâttâsâst västid Finnmark läänihaldâttâs. Lasetiäđuid uážžu Bioforsk Svanhovdist (nibio.no, eŋgâlâskielân).

Hiivsigeh

• Jyehi ävđintuuveest já láávust lii koškehiivsig.

Ijjâdem

Teltastâllâm já láávuh 

• Piilola pálgá Suomâpiäláá uásist, Vääččir meccikuávlust, teltastâllâm lii loválâš juáhháá vuoigâdvuođáin (suomâkielân).
• Avžuuttuvvoo, et jotteeh cegâtteh leeirâs ävđintuvij já láávui aldasáid, ko tain lii meid tulâstâllâmsaje já koškehiivsig.
• Taažâst, Paje-Paččvei aalmuglâšmeecist, teltastâllâm lii loválâš jyehi saajeest Piilola pálgá piällást.
• Piilola pálgást láá kyehti láávu:
  • Koldemjäävri láávu lii Koldemjäävri uárjiriddoost, 14 km keččin pálgá máddáápiäláá vyelgimsaajeest.
  • Pálgá nubbe já tavemus láávu lii Svarbrysttjørna-nommâsii jäävri maadânuorttii riddoost suullân 2 km keččin pálgá Taažâ pele vyelgimsaajeest.

Ävđintuveh 

• Tuveh Piilola pálgá mäddin tavas jođedijn láá:
  • Piilola, ävđintupe (suomâkielân)
  • Piilolapoortâ, ävđintupe
  • Ellestohpu, ävđintupe

Eres palvâlusah

• Njellim já Aanaar (laplandnorth.fi, suomâkielân) sehe Kirkkonjaargâ (visitkirkenes.no, eŋgâlâskielân) já Maadâ-Vaarjâg kieldâ kuávlu irâtteijeeh fäälih maaŋgâpiälásijd palvâlusâid vandârdeijeid já mađhâšeijeid.
• Aldemuin siijdâin – Njellimist já Svanvikist – kávnojeh ijâstâllâm- já purâdempalvâlusah. Svanvikist lii purrâmâšverkkikävppi, Avelist já Kirkkonjaargâst láá vijđes vuáđupalvâlusah.