Njellim vuojâttemrääni čácádâhkiäinu ravvuuh já njuolgâdusah

Muuneeldrahttâttâm

Kalga mušteđ, et kiäinu aldasijn ij pyevti haahâđ innig maiden anokáálvuid.

Mätkipuhelin kulluuvâšvuotâ

• Kiäinu jođedijn sättih puáttiđ oovdeld motomeh sajeh, kuus puhelinviermih iä ole. Puhelin sáttá meid njuškiđ ryešilii operaattor viärmán. Täärhist mätkipuhelinviermi luávdeevuođâ matkapuhelinoperaattorstâd. Lasseen ain láá sajeh, moin mätkipuhelin ij tooimâ tâi puheluin láá hemâdâsah. Tágárijn tilálâšvuođâin puáhtá išediđ ovdâmerkkân ucâlum váhá aaleeb sajan, jolgâ pááikán. Kannat meiddei väldiđ uáinun, et jieškote-uv mätkipuhelimij kooskâst láá iäruh kulluuvâšvuođâst.

Anokáálvuh já torvolâšvuotâ

• Siäilud puhelin já tullâsaagijd lumâstâd jiehhee paakâin. Jis tun roovah čáácán, tun sáátáh monâttiđ puoh eres tävirijd ko taid, moh láá tuu luumâst.
• Ele vyelgi kártáttáá já kompasttáá. Jis monnii suujâ tiet tun koolgah väzziđ, kárttáin tun kaavnah maađij oolâ.
• Keevti miäludijnâd ain kobđomliivi.
• Siäilud anokálvuidâd jiehhee farpâlij, seehâi tâi laavhâi siste.
• Čääci lii algâkeesist já čohčuv koolmâs. Váárut tondiet, amas šoddâđ čáácán. Šiev vuoijâmtáiđugin ij äävti, jis kalmoo čáácán.
• Kanotist lii pyeri leđe ákšu, päädih, tivvoompiergâseh já värimeeli.
• Vääldi fárusâd tuárvi lieggâ já piegâjiehhee pihtâsijd, meid lieggâ kappeer já kistuid. Kumikistuuh tuálih siiskiš kistuid koškesin.
• Vääldi fárusâd čuoškâmiirhâid já vuosâišekáálvuid.
• Almoot vuáváámâd kiäinu ustevijdâd já ijjâdemsajasâd.
• Tiätu miällum torvolâšvuođâst já anokáálvuin: Torvolâš miällum (kanoottiliitto.fi, suomâkielân) já Miällumuápis (melonta.wasalab.com, suomâkielân).
• Jis tunjin šadda eeti vandârdem ääigi, ovdâmerkkân jis tun lappuuh, parttâšuuh tâi aaicâh meccipuálu, suáiti numerân 112 já toovâ etitilealmottâs. Tuávááštiäđuh etitile ääigi toimâmist.

Seesooŋääigih

• Kárbáinjotteempaje álgá kesimáánu aalgâ peln já juátkoo čohčâmáánu loopân. Pyeremuuh miällumsooŋah láá syeini-porgemáánust.
• Keessiv pyehtih leđe čuoškah. Jis tun ijjâdah meeccist, te velttâl piegâttes soojijd já jeggi- já miestâenâduvvâid. Čuoškah iä kirde jolgâdis já pieggiis soojijn.