Piälppáájäävri meccikirkko

Tave-Lappi, Aanaar, Aanaar vandârdemkuávlu

Piälppáájävri lii Aanaar toovláš kuávdáš. Meccijäävri riddoost lâi tovle Aanaar tälvisijdâ, kuus ulmuuh čokijdii aassâđ táálván. Tälvisiijdâ ohtâvuotân ive 1760 huksejum kirkko kulá Tave-Laapi puárásumosáid rakânâssáid. Mučis suáhivyevdi pirâstittem ruopsissiähá kirkko liäbbáá juovviis enâmist. Kirkkokiedist lii luándunijtto.

Kirkko lii huksejum ivij 1752-1760 koskâsii ääigi já tot lâi kiävtust 1800-lovo loopâ räi, mon ääigi kirkko lâi Aanaar kuávdášpäikki. Kirhoost tuállojeh muáddi Immeelpalvâlus ivveest já tobbeen meiddei vihkojeh näimipaarah.

Muorâst huksejum meccikirkko lii ton saajeest oornigis mield nubbe kirkko. Vuosmuš, ive 1646 valmâštum kirkko lii lappum ollásávt. Tälvisiijdâstkin iä innig tiettuu ko motomij viistij mieskâm pasâttâsah. Piälppáájäävri meccikirho kuávlu lii väldikodálávt merhâšittee kulttuurhistorjálâš piirâs. Tot lii meiddei šlajâttâllum eennâmkodálávt tivrâs enâdâhkuávlun.

• Luuvâ lase Piälppáájäävri meccikirho historjáást.

Jotteemohtâvuođah já káártáh

• Piälppáájäävri meccikirho jotteemohtâvuođâin lii muštâlum Aanaar vandârdemkuávlu siijđoin.
  • Päälgis vuálgá kirho kuuvl Čuárvinjaargâ maađij (Sarviniementie) parkkisaajeest, mii lii kuulmâ kilomeetter keččin Paje-Laapi luándukuávdáš Siidast tavenuortâs. Väzzimmätki pálgá vyelgimsaajeest kirho kuuvl lii ucánjáhháá vuálá viiđâ kilomeetterist. Tikkádum päälgis jotá mučis luánduviđá meecist laddui já jávrái paaldâ. Kárbáin jottee puáhtá väzziđ kirho kuuvl Piälppáávuonâst, pálgá kukkodâh lii 3 km.

Šleđgâlâš káártáh

• Meccihaldâttâs Retkikartta.fi (suomâkielân)
• Aanaar vandârdemkuávlu káártáh

Palvâlusah

• Piälppáájäävri meccikirkko lii jieštoimâlâš uápásmemčuásáttâh.
• Kuávlust lii peivitupe já tulâstâllâmsaje.
• Piälppáájáávrán mannee pálgá pelimuddoost lii vuoiŋâstempuddâsaje.

Lihâdemiästulij palvâlusah

• Kuávlust iä lah palvâlusah lihâdemiästulijd.

Piälppáájäävri meccikirho hoittáámist västid: Aanaar servikodde.
Čuásáttuv vandârdemráhtusijd hoittáá: Meccihaldâttâs, Laapi Luándupalvâlusah (suomâkielân) (Lapin Luontopalvelut).

Taan siijđo čujottâs lii aanaar.lundui.fi/pialppaajaavrimeccikirkko.