Finnimnáálvuotâčielgiittâs Luontoon.fi-siijđoin

Meccihaldâttâs viggá tähidiđ Luontoon.fi-siijđoi finnimnáálvuođâ Laavâ digitallij palvâlusâi falâmist 306/2019 (suomâkielân) miäldásávt.

Taat finnimnáálvuotâčielgiittâs kuáská Luontoon.fi-siijđoid. Luontoon.fi lii olgosadelum ive 2004 já uđâdum 2020.

Finnimnáálvuođâ tile

Luontoon.fi-siijđoh tevdih Viermisiskáldâs finnimnáálvuotâravvui (WCAG) 2.1 tääsi AA vátámušâid uásild. Tilálâšvuođah, kuás vátámušah láá kuođđum nuávdithánnáá, já vátámuššáid heiviittum spiekâstuvah mainâšuvvojeh maŋeláá.

Ij-finnimnáál siskáldâs

Maŋeláá mainâšum siskáldâs ij lah finnimnáál čuávuvái suujâi keežild:

Laavâ digitallij palvâlusâi falâmist 306/2019 kyeđđim nuávdithánnáá

  • Motomij kuvij já koveliiŋkâi tekstâvastuin láá vááijuvvuođah. (WCAG-ravvui kritereh 1.1.1, 2.4.4)
  • Kovekaruselij kuuvijd ij peesâ ruuvdulohhein. (WCAG 2.1.1)
  • Macâttâsluámáttuv macâttâskiedi lii vaigâd tulkkuđ ruuvdulohhein. (WCAG 1.3.1.)
  • Motomijn siijđoin láá koveh, maid ruuvdulohhee tulkkoo puástud paječaalân. (WCAG 1.3.1)
  • Siijđoin lii ulgguubiälásij uásipeelij olášuttem siskáldâs, mii ij lah puoh osij tievâslávt finnimnáál:
    • PDF-tiätuvuárháh. Tiätuvuárhái ohjelmlijn miärkkumijn láá vááijuvvuođah, moi keežild taid lii vaigâd tulkkuđ ruuvdulohhein. Tain láá meid teevstah, main lii hiäjus kontrast. PDF-tiätuvuárkkán olášuttum posterij siskáldâs lii kavnâmist finnimnáál häämist viermisiijđoin. (WCAG 1.3.1, 1.4.3, 2.4.2, 3.3.1) 
    • Láigutuvij väridemkalender. Kalender kale tuše čáittoo Luontoon.fi-siijđoin, väridem tábáhtuvá Erälupa-palvâlus viermikäävpist.
    • Kolin Reitit -siijđo loopâst leijee interaktivlâš visuallâš oovdânpyehtim. Taam oovdânpyehtim ij pyevti kevttiđ puállupevdijn tâi ruuvdulohhein já uási kontrastijn láá hiäjuh. Vuájuttâs (upotus) kevttim puhelimáin váátá kuovttijn suormáin tohhum lihâstuv kove styereedmân já ucceedmân. Uási vuájuttâs liiŋkâin tuáimih episystematlávt. (WCAG 2.1.1, 1.4.3, 1.4.11, 2.5.1, 2.4.4)
    • Mainnii siijđoin láá uáinimist vandârdemkiäinuh já toi oovdânpyehtimeh ađai OutdoorActive-vuájuttâsah. Tain láá vááijuvvuođah tekstâvastuin já ruuvdulohhee luuhâmoornigist. Liŋkkáid ij peesâ tabulaattor-puálloin. Kovekarusel ij pyevti orostittiđ. Tavlustuvâid lii vaigâd tulkkuđ ruuvdulohhein. (WCAG 1.1.1, 1.3.1, 1.3.2, 2.2.2)

Heiviittum laavah iä luávdi čuávuváá siskáldâs:

  • Mätkičuosâttâhuuccâm káártán ij peesâ puállupevdijn. (WCAG 2.1.) Siämmáš tiätu lii kuittâg finnimnáál siijđost Hakutulokset (Uuccâmpuátuseh) -saajeest.
  • Siijđoin láá vuájuttum tâi liŋkkajum häämist ovdil 23.9.2020 olgosadelum videoh já jienâpaddiimeh, main iä lah tekstaameh já kuvvimtulkkuumeh. (WCAG 2.1)

Finnimnáálvuođâ vááijuvvuođâi tivvoom

Ovdeláá oovdânpuohtum vááijuvvuođah (eereeb siskáldâsah, mooid laahâ ij kuoskâ) tivoduvvojeh viggâmuš mield nuuvt jotelávt ko máhđulâš. Finnimnáálvuotâčielgiittâs tievâsmittoo tađe mield, ko aiccum feeilah láá tivodum.

Taam finnimnáálvuotâčielgiittâs rähtim

Taat čielgiittâs lii rahtum 30.9.2020. 

Čielgiittâs vuáđuduvá kuálmád uásipele toohâm árvuštâlmân tast, et tevdih-uv viermisiijđoh direktiv (EU) 2016/2102 vátámušâid.

Čielgiittâs tärhistui majemustáá 30.9.2020.

Macâttâs já ohtâvuotâtiäđuh

Mij väldip mielâstân macâttâs já pyeredemiävtuttâsâid finnimnáálvuotân kyeskee aašijn čujottâsâst luontoonfies(a)metsa.fi. Västidmist sáttá ájániđ 14 peivid.

Olášuttemmonâttâllâm

Jis tun jieh lah tutâvâš vástádâsân, mon finnejih, tâi jieh finnii vástádâs ollágin kyevti oho ääigi, te tun puávtáh adeliđ macâttâs Maadâ-Suomâ kuávluhaldâttâhvirgádâhân (Etelä-Suomen aluehallintovirasto).

Kocceemvirgeomâháá ohtâvuotâtiäđuh

Maadâ-Suomâ kuávluhaldâttâhvirgádâh
Finnimnáálvuođâ kocceem ohtâdâh
saavutettavuusvaatimukset.fi (suomâkielân)
saavutettavuus(at)avi.fi
puhelinkuávdáš 0295 016 000