Aanaarjäävri káártáh ja puáttim

Jotteemohtâvuođah

Maađijeh tiättojeh Aanaarjäävri puoh eres suundijn eereeb nuorttân. Maađijttesvuotâ lii-uv kuávdáš suijâ toos, et jäävri nuorttiibel lii vuáđudum  Vääččir meccikuávlu (suomâkielân).

Avelist vyelgidijn láá kyehti muulsâiävtu, vyelgim tavas tâi nuortâs. Tavas vyelgidijn váldumaađij juksá Aanaarjäävri Aanaar markkânist, 40 kilomeetterid Avelist.

Jo Avelist piäsá čäcikiäinu mield Aanaarjáávrán. Kárbá puáhtá lyeštiđ siijdâ kuávdáást čujottâsâst Petsamontie 5. Avveeljuuvâ riddoost lii kárbályeštimnjuáidus já parkkisaje.

Autoin

Taavaabeln Aanaarjáávrán

• Äijihjáávrán váldumaađij nr 4 (E75) 10 km tavas Avelist. Äijihjävri lii aaibâs maađij piällást, mut almolâš kárbályeštimnjuáidus jáávrán ij lah. Äijihjäävri já Aanaarjäävri ovtâstittee čuálmi lii Äijihjäävri tavenuorttii keččin Evnnjaargâ já Äijih kooskâst.
• Aanaar markkânist piäsá jäävri oolâ jo-uv kieldâ kärbishamânist tâi páihálii mađhâšemirâttâs riddoost. 
• Päärtih lii Anarist tavas Čevetjäävri maađij mield nr 971 suullân 38 kilomeetterid, mon maŋa maađij rátkoo Njihenjaargân. Njihenjaargâst lii kieldâ kärbisnjuáidus já parkkisaje. 
• Njižžjävri lii ohtâvuođâst Aanaarjáávrán. Njižžjáávrán šadda mätki Anarist (maađij nr 971) suullân 70 kilomeetterid. 

Nuorttiibeln Aanaarjáávrán

• Njellim kärbishaammân, kuus kalga vyeijiđ maađij mield nr 969, Avelist nuortâs. Njellimân šadda mätki Avelist 41 kilomeetterid.
• Viäskoonjaargâ kärbishaammân, kuus kalga vyeijiđ Njellim maađij mield nr 969 s. 9 km, mon maŋa maađij rátkoo čižetpel Viäskoonjaargân, kuus lii vala 14 kilomeetter mätki. Ovdil Viäskoonjaargâ siijdâ oovdeld puátá Meccihaldâttâs toollâm Naŋŋânjaargâ kärbishaammân. Maađij lii muálkkáá já tiärmáá, já ko tast rátkojeh eres maađijeh, te kárttá lii tárbulâš.
• Kuáppilist. Avveel siijdâ taavaabeln šalde maŋa rátkoo maađij uálgispel. Kuáppil maađij kalga vyeijiđ suullân 11 km, mon maŋa maađij nohá juhâriidon. Tobbeen lii kárbályeštimnjuáidus já parkkisaje.

Jis autonavigaattor lii kiävtust, te älkkeemus lii adeliđ tom stivriđ vyelgimsajan. Vyelgimsoojij koordinaateh láá almottum saajeest Määđhi vyelgimsajeh.

Almolij jotteemriäiduiguin

• Avelân já Anarân joteh jyehi peeivi linjâšautovuáruh (matkahuolto.fi, suomâkielân) Ruávinjaargâst, Ucjuuvâst, Kärigâsnjaargâst já Njiävđámist.
• Aldemus kirdemkieddi (finavia.fi, suomâkielân) lii Avelist.

Káártáh

• Meccihaldâttâs Retkikartta.fi (suomâkielân)
• Eennâmmittedemlájádâs kárttásaje (maanmittauslaitos.fi, suomâkielân)

Eres káártáh

• Aanaarjävri Vääččir Čaarmâuáivááh,1:25 000 já 1:100 000 čäcijiehhee čácádâhkárttá. Calazo 2021.
• Aanaar čujottâs- já virkosmittemkárttá, 1:150 000, Säämi eennâmmittedemlájádâs 2016. 
• Aanaar Vandârdemkiäinuh, 1:50 000. Meccihaldâttâs 2019, Julkaisut.metsa.fi
• Topografisiih káártáh, nro W511, W512, W513, W514, W521 já W522, 1:50 000, Eennâmmittedâmlájádâs 2008. 
• Kárbáinjotteemkárttá, 480 1:50 000, Merâjotteemlájádâs 2011. 
• GT mááđijkárttá Tave-Suomâ, 2016, 1:400 000.