Njellim ravvuuh já njuolgâdusah

Ravvuuh Njellim kuávlust jotemân

• Vandârdeijee jotá kuávlust jyehiulmuu vuoigâdvuođáin (ymparisto.fi, suomâkielân).
• Meccihaldâttâs lii mieđettâm tuulâ rähtim eennâm alne leijee riisijn já oovsijn sierânâs lovettáá Staatâ enâmijn Paje-Laapist. Viigâ toos, et tun cokkiittah tuulâ puáris tulâstâllâmsajan, jis taggaar lii fáállun. Meccipuáluváruttâs ääigi ávustuulâ cokkiittem lii kieldum, mut mätkivyeššee kevttim lii loválâš.
• Räjistielâsist jotemân ferttee leđe lope (raja.fi, suomâkielân). Räjistiellâs tyehirääji lii merkkejum enâduvváid fiskis tavluiguin, muoráid máálájum fiskis riäggáiguin tâi muoráid tarvettum lastikpadijguin.

Muuneeldrahttâttâm

Mätkipuhelimij kullum

• Veikkâ Suomâ mätkipuhelinviermih láá-uv luávdeeh, lii Njellim kuávlu iänááš kullum ulguubeln. Vissásumosávt mätkipuhelimeh sättih toimâđ maađij aldasijn já piirrâs aaleeb soojijn. Meiddei mätkipuhelimij já operaattorij kooskâi láá kullumiäruh. Rääji alda jođedijn mätkipuhelin sáttá lohtâsiđ naabureennâm viärmán. Taam puáhtá estiđ nuuvt, et väljee viermi manuaallávt. 

Reiskääpih

• Mušte kyeđđiđ almottâs alnestâd, äigitavlustâd já kiäinuvuáváámist ustevijdâd já aldasijdâd tâi Meccihaldâttâs Avveel palvâlemčuággás.

• Jis tunjin šadda eeti vandârdem ääigi, ovdâmerkkân jis tun lappuuh, parttâšuuh tâi aaicâh meccipuálu, suáiti numerân 112 já toovâ etitilealmottâs. Tuávááštiäđuh etitile ääigi toimâmist.

• Kuávlu piäluštempalvâlus lii lahâaasâtlávt uárnejum, já toos finnee ohtâvuođâ etikuávdáá peht. Mušte almottiđ meid tast, et lah peessâm määđhi loopân, amas occeeh kuččuđ išán tušij tiet. Piäluštempalvâlus rekigist tušes ucâmist.

Anokáálvuh 

• Enâduvvah láá maaŋgâ soortâst, mut pálgái mield ij lah meendu vaigâd jotteeđ.
• Kuávlu čääsih láá táválávt juvâttetteeh.
• Fáárun kannat väldiđ meid vuosâišepaakâ.
• Anokáálvuh (suomâkielân) Vandârdem ABC:st

Seesooŋgääigih

• Njellimist joteh mađhâšeijeeh enâmustáá tälviv. Keessiv kuávlu hokâttâl kuálásteijeid já kárbáin jotteid já čohčuv vandârdeijeid.