Aanaarjäävri ravvuuh já njuolgâdusah

Ravvuuh miälloi

• Aanaarjäävrist láá maaŋgah priivaat ulmui omâstem kámpáh já laddim toi aldasáid ij lah soválâš
• Luándust liihâddijn kalga nuávdittiđ jyehialmaavuoigâdvuođâid (ymparisto.fi, suomâkielân)
• Miälloo kalga váruttiđ moottorikárbáid kezis čoolmijn, toi luptim monnjâpááruh pyehtih komettiđ joba kaanoot. Moottorkárbáh iä pyevti mukkâsiđ kezis väävlist, talle puáhtá vyeijiđ káárgun.

Kuálástiđ

• Miällum lasseen puáhtá še kuálástiđ. Aanaarjävri lii maŋgâsij uštei ko šlivgoi-uv kyeliäitti.
• Vuoggâkuáláástmân Aanaarjäävrist taarbâš kuálástemmáávsu (eraluvat.fi, suomâkielân) (ohtâ stággu) já lasseen Meccihaldâttâs Aanaarjäävri astoääigikuálástemlove lopekuávlun 1580 (eraluvat.fi, suomâkielân) (maaŋgâ stáágun). Aanaarjäävrist uážžu jieŋâalnuágguđ já uágguđ jyehialmaa vuoigâdvuođáin.
• Loveh já kuálástemravvim: Meccihaldâttâs Avveel palvâlemčyegis, puh. 0206 39 7701 sehe Paje-Laapi luándukuávdáš Siida puh. 0206 39 7740 já Meccihaldâttâs nettikäävpâist (verkkokauppa.eraluvat.fi, suomâkielân).

Muuneeldrahttâttâm

Mätkipuhelin kulluuvâšvuotâ

Veikkâ Suomâ mätkipuhelinviermih láá-uv luávdeeh, pyehtih Aanaarjäävrist leđe iptosajeh. Täärhist mätkipuhelinviermi luávdeevuođâ matkapuhelinoperaattorstâd. Lasseen ain láá sajeh, moin mätkipuhelin ij tooimâ tâi puheluin láá hemâdâsah. Tágárijn tilálâšvuođâin puáhtá išediđ ovdâmerkkân ucâlum váhá aaleeb sajan, jolgâ pááikán. Kannat meiddei väldiđ uáinun, et jieškote-uv mätkipuhelimij kooskâst láá iäruh kulluuvâšvuođâst.

Torvolâšvuotâ

• Toolâ puhelin (já riššâsaagijd) lummoost čäcijehhee paakâst.
• Ele vyelgi máátkán kárbáinjotteemkártáttáá já kompassittáá.
• Keevti miäludijn čoođâg kobđomliivi.
• Jäävri čääci lii koolmâs. Váárut ton keežild čáácán karttâm. Šiev vuoijâmtáiđugin ij iššeed kolmum vuástá.
• Kajakist láá pyereh leđe kievđâ, tivvoompiergâseh já värimeeli.
• Väärrid nokko lieggâ já piegâtuállee pihtsijd máátkán, meid lieggâ kappeer já kistuid. Kumikistuuh tuálih vaacâid koškesin. Pakkaa pihtsijd čääsi jehheht.
• Vääldi fáárun čuoškâkarbâmamnâsijd já vuosâišepiergâsijd.
• Almoot kiäinuvuáváámist jieijâd aldemuid tâi Paje-Laapi luándukuávdáš Siidan. Mušte meiddei almottâttâđ, ko maacah. Čääli noomâd já vuávájum kiäinud ävđintuvij kyessikirjijd, ko tiätu iššeed lappumtábáhtusâin.
• Vääldi vuotân, et lihâdâh vijđes meccikuávlujäävrist, mast iše uážžum váldá ääigi. Iše tiilájuvvoo čoođâg etinumerist 112.
• Keejâ meiddei vandârdemčuosâttuvvâd äigikyevdil-sijđo (suomâkielân).
• Tiätu miällum torvolâšvuođâst já riäiduin: Torvolâš miällum (melontajasoutuliitto.fi, suomâkielân) já Miällumuápis (melonta.wasalab.com, suomâkielân). Keejâ meid Vandârdem ABC.

Iveääigih

• Kárbáinjotteempaje álgá kesimáánu aalgâbeln já juátkoo čohčâmáánu loopân. Pyeremusah miällumšooŋah láá syeini-porgemáánust.
• Keessiv pyehtih leđe čuoškah. Jis orostâh iijân miäcán, te veelti piegâttes, jiäggáás já suovkkiis soojijd. Čuoškah iä makkuu jolgâ suolluin jorŋâčasij roobdâst.
• Seesooŋääigih
  • Syeini-porgemáánust jäävrist láá ennuv lihâdeijeeh, kesimáánust já čohčâmáánust uccáá.