Kiäinu suápá meid algâttellee miälloid. Jaavrijn puáhtá hárjuttâllâđ miällum tekniik. Jäävrih láá uceh já ridoh ain alda, já nuuvtpa lii ain pieggâsyeji. Uási jaavrij koskâsijn njeerijn já uccâ kuoškijn puáhtá miälluđ, uási ij.

Keessim- tâi kyeddimmyeđhih láá nelji. Eennâmuásih lasetteh suotâs mulsâšuddeevuođâ miälumân.

Vuossâmuš keessimmyetki Vuáskujäävri já Riävskáluobbâl kooskâst lii älkkee, kukkoduvâs peeleest 70 meetterid. Čuávuvâš keessim- tâi kyeddimmyetki lii Källeeluobbâláá Kođojäävri kooskâst. Ton kukkodâh lii vááijuv 250 meetterid. Kuáđhu enâdâh lii uáli täässiv já viehâ älkkee jotteeđ. Kođojäävri luobbâlKoskmuujäävri koskâsâš uási lii vaigâdub, tondiet ko riddo lii kiäđgáá já tobbeen šaddeh miestuuh. Älkkeemus lii vuojâttiđ kaanoot vistig puáris vuojâttemrääni uálán já keessiđ tom talle vuojâttemrääni mield vuoluupiäláá luohtân. Majemuš eennâmmyetki lii Koskmuujäävri Njellimjäävri kooskâst. Táágubeht kannat miälluđ nevlipuáđu kuuvl luovtâ čižetpele roobdân, já keessiđ kaanoot tobbeen eennâm oolâ. Maađijluoddâ jotá šalde paijeel, já tast maŋa ovdiistum vuojâttemrääni paaldâst vuoluupiäláá luohtân. Tääbbin kaanoot kalga kyeddiđ, tondiet ko maađij vuáđđun lii tuše  mooreen. Mätki šadda 370 meetterid.

Kiäinu piällást iä lah palvâlusah, já nuuvtpa evviseh kalgeh leđe fáárust. Vuoiŋâstemsaajeest Koskmuujäävri já Njellimjäävri koskâsii kuáđhust puáhtá purâdiđ peevdi piällást, tulâstâllâđ já orroođ arvesyejeest, jis lii tárbu. Vuoiŋâstemsajan jotá maađij Njellimist, já nuuvtpa vandârdem puáhtá nuuhâđ jo tääbbin.