Ravvuuh Pänituoddâr kuávlust liihâdmán

  • Kuávlust láá vyeimist jyehialmaavuoigâdvuođah (www.ymparisto.fi, suomâkielân).
  • Staatâ enâmijn Paje-Säämist lii Meccihaldâttâs unnum tuulâ puáldim enâmân koččâm riissijd já oovsijd keevtin sierânâs lovettáá. Eennâmmuorâi ađai enâmân viirâm ucceebárvulâš muorâi väldimân já kevttimân tarbâšuvvoo eennâmmuorâlope, mii finnee Avveel palvâlemsaajeest teikkâ palvâlemsaajeest Kiehinen. Tuoivâ lii, et aitârdum tulâstâllâmsajeh kevttuuččii ain, ko toos lii máhđulâš.
  • Meccipuáluváruttâs äigin tulâstâllâm lii kieldum jyehi saajeest, meiddei huksejum tulâstâllâmsoojijn.Mätkivuoššâm uážžu kuittâg kevttiđ.
  • Mušte kyeđđiđ almottâs alnaad, äigitavlustâd já kiäinuvuáváámistâd jieijâd ustevááid já uámihááid tâi Meccihaldâttâs äššigâšpalvâlemsoojijd. Etitábáhtusâin puhelinnummeer, mos vuossâmustáá suáittoo, lii 112! Kuávlu piäluštâspalvâlus lii laavâst asâttum, já ton juksá etikuávdáá pehti. Mušte almottiđ meiddei puátimâd tohon, kuus lijjih monâmin, amas occeeh vyelgiđ tušijtiet uuccâđ. Piäluštâspalvâlus piärá máávsu tušes ucâmijn.

Tovâsjuuvâ kuávlu. Kove: Matti Mela

Muuneeldrahttâttâm

Mätkipuhelimij kullum

  • Veikkâ Suomâ mätkipuhelinviermih láá-uv luávdeeh, lii Päntuoddâr meccikuávlu iänááš kullum ulguubeln. Vissásumosávt mätkipuhelimeh sättih toimâđ maađij aldasijn já piirrâs aaleeb soojijn. Meiddei mätkipuhelimij já operaattorij kooskâi láá kullumiäruh.

Reiskääpih

  • Äigikyevdilis ääših láá suomâkielâlâš viermipalvâlusâst.
  • Pänituoddâr meccikuávlu heivee pyeremusâht hárjánâm vandârdeijei já jiešráđálâš vaandârdmân, ko kuávlust láá uccáá palvâlusah. Meccikuávlun ij koolgâ vyelgiđ vandârdiđ, jis iä lah áášánkullee reiskääpih, káártáh, kompas, teltta, pihtâseh, uáđđimsekkâ já tuárvi purrâmâš.
  • Jis tunjin šadda eeti vandârdem ääigi, ovdâmerkkân jis tun lappuuh, parttâšuuh tâi aaicâh meccipuálu, suáiti numerân 112 já toovâ etitilealmottâs. Tuávááštiäđuh etitile ääigi toimâmist.
  • Pänituoddâr meccikuávlu eellimtile lii arktâlâš, mii váátá reiskääpijn sierânâs jiešvuođâid. Keesi puátá eskân kesimáánu pelimuddoost já pissoo muotâ puátá távjá juo roovvâdmáánust. Tälviv puolâšij ääigi liegâsvuotâ sáttá pisottâllâđ peivipoojijd vuálá -20 aste. Jis ij lah olmânáál rahttâttâm já iä lah áášánkullee piergâseh fáárust, sáttá mätki šoddâđ umáttum ulmui varâlâžžân.
  • Piirrâs šeštee vandârdem.