Äššigâšpalvâlem já ravvim

  • Siida - Sämimuseo já Paje-Laapi luándukuávdáš
    • Meccihaldâttâs äššigâšpalvâlemsaje Siidast fáálá tiäđu Aanaar vandârdemkuávluin já puohâin eres-uv Paje-Laapi luándučuásáttâsâin. Pisovâš já molsâšuvvee čáitálmâsâi lasseen Siidast finnee vandârdemravviittâs, káártáid já luuvijd ubâ Paje-Laapi kuávlun.
  • Meccihaldâttâs Avveel palvâlemsaje
    • Tiäđuh já káártáh Paje-Laapi kuávlust
    • Kuálástem-, miäcástem- já meccijotolâhluvij vyebdim

Oovtâstpargopeelij faallâm palvâlusah vandârdemkuávlust

  • Vandârdemkuávlust palvâlusâid fäällih oovtâstpargopeleh.
    • Tain lii oovtâstpargosopâmuš Meccihaldâttâssáin já toh olášuteh pištee luándumađhâšem prinsiipâid ko tuáimih Aanaar vandârdemkuávlust.

Purâdem, mälistem já evvisij haahâm

Kähvivisteh, ravâdâsviäsuh, puuvdah já kioskih

Tulâstâllâmsajeh

  • Aitârdum tulâstâllâmsajeh kávnojeh vandârdemkuávlust puohnâssân kuulmâlov suulâin. Toi ohtâvuođâst lii távjá láávu tâi lávupeeli addeelmin syeje sehe koškehiivsig. Tulâstâllâmsajeh láá kiänui piälláin já virkostâskuálástemčuásáttâsâin.
  • Aanaarjäävrist láá aitârdum ävđintuvij ohtâvuođâst tulâstâllâmsojij lasseen káttusijgin syeijejum tulâstâllâmsajeh Piälppáávuonâst, Lyevisuollust, Pecsuollust, Káhkusuollust, Puoiduusuollust, Tyllylahti-luovtâstLusmenyereest. Káttusijttis tulâstâllâmsajeh kávnojeh Iso-Maura -suolluu jieŋâkuovđâšm lunne já Viäskoonjaargâ alda Palosaari-suollust.
  • Peivituveh láá uáivildum vuoiŋâstem já tulâstâllâm várás. Aanaar vandârdemkuávlust láá kyehti peivituve:
  • Meccipuáluváruttâs äigin sajostuulâ cokkiittem lii kieldum.

Juuhâmčääci

  • Kuávlu jaavrij, aijui já juuvâi čääsih láá táválávt juvâttetteeh, mut čácáduvâi čäcikvaliteet ij lah tutkum.
  • Aanaarjäävri čääsi markkân alda kannat leđe kevtihánnáá juuhâmčääccin, mut kolgee čaasijd puáhtá juuhâđ.

Pasâttâshuolâttâs

  • Kieldâlâš pasâttâsâi renskimčyegis lii kuávdoo markkân. Ekočuágástuvah láá kärbishamânijn Viäskoonjaargâst, Naŋŋânjaargâst, Njellimist já Anarist.
  • Ävđin- já peivituuvijn láá siähálâspasâttâsliteh.
  • Luuvâ lase roskettis vaandârdmist.

WC:h

  • Ävđin- já peivituuvijn sehe maaŋgâin tulâstâllâmsoojijn láá koškehiivsigeh.

Ijâstâllâm

Teltastâllâm já láávuh

  • Teltastâllâmsajeh láá Anarist já Äijihjäävrist. Čuákkipaihij ulguubeln puáhtá teltastâllâđ rijjâ jyehialmaavuoigâdvuođâ vuáđuld.

Ävđintuveh

Ävđintuuvijn puáhtá ijâstâllâđ iijâ tâi kyehti, täärhib tiäđu tuuvijn finniih tupetiijpah-siijđost (suomâkielân).

  • Pecsuálui, Aanaarjäävrist Segispecsuolluu taveviestâr riddoost.
  • Jieŋâsuálui, Aanaarjäävri Jieŋâsuolluu maadânuorttii riddoost.
  • Kiäigunyeri, Aanaarjäävri máddááuásist, Čaarmânjaargâ taavaakeččin.
  • Puoiduutupe, Aanaarjäävri Varttaasuolluu máddáábeln, Puiduusuolluu taavaakeččin.
  • Káhkusuálui, Aanaarjäävri Vijmáásuolluu tavenuorttiibeln, Káhkusuolluu maadânuorttii riddoost.

Láigukámpáh

Láigukámpáh väriduvvojeh ollásávt jieijâs kiävtun Lomarengas (lomarengas.fi, suomâkielân).

  • Uáđđivei suullân 10 km Aanaar markkânist máádás.
  • Äijihjävri, Avveel já Aanaar kooskâst váldumaađij 4 pellâst, suullân 16 km Avelist tavas Äijihjäävri riddoost.
  • Pecsuálui, Aanaarjäävri Segispecsuolluu taveviestâr riddoost suáijáás luohtâkaavâst.  

Leirimsajeh já karavaanarij palvâlusah

  • Anarist já Äijihjäävrist.

Säävnih

  • Anarist já Meccihaldâttâs láigukámppáin.

Hotelleh já luámutuuvááh

  • Anarist já Njellimist.

Hamâneh

  • Viäskoonjaargâst, Naŋŋânjaargâst, Njellimist já Anarist.

Ijâstâllâm aldakuávluin

  • Ijâstâllâmpalvâlusah kávnojeh ereslasseen. Avelist, Suáluičielgist já Kaamâsist.

Riäidui laiguuttem

Lihâdemiästulij palvâlusah

  • Jorreestovlijn piäsá puohhááid Sämimuseo já Paje-Säämi luándukuávdáš Siidast (siida.fi) čáitálmâssááid. Olgomuseon puáhtá uápásmuđ išedeijein.
  • Juvduu piällá Njuámmilcoskâs tulâstâllâmsaje lii lihâdemiästulii ooláádmuddoost.
  • Kettulampi -láádu já Kiäptukiävŋásiiuáivuš tulâstâllâmsajan piäsá Rivdulist avdoin.
  • Piegguáiváá aalaaš parkkisaajeest lekkâs váárdus Aanaarjáávrán.
  • Páihálij irâtteijei palvâlusâid keevtin puáhtá uápásmuđ enâdâhân sehe keessiv et tälviv. Aanaarjäävrist tuáimih maaŋgah ovtâskâs irâtteijeeh, kiäh uárnejeh kärbissáátuid. Maaŋgah Aanaarjäävri palvâlemrakânâsâin heivejeh meiddei jorreestoovlij kevtteid.

Kärbisjottei palvâlusah

Väävlih

  • Aanaarjäävrist láá vävlimeerhah, moid lii pyeri nuávdittiđ jäävri karguusvuođâ tiet.
  • Vavlij almos jotteemkieŋŋâlvuotâ lii 1,8 m, motomijn puuvijn já riddopiälláin jotteemkieŋŋâlvuotâ lii 1 m. Iänááš jävrikuávlu tuveh láá älkkest aldanemnáál, mut tuuviijd iä lah merkkejum virgáliih väävlih.
  • Aanaarjäävri kärbisjotteemkáártán (nr 480) láá merkkejum kärbisjotolâhväävlih já kieŋŋâlvuođâsárgáh.

Hamâneh

  • Kyeli- já kärbishamâneh láá Anarist, Naŋŋânjaargâst, Viäskoonjaargâst já Njellimist.

Kärbislyeštimsajeh

  • Kärbislyeštimsajeh láá Avelist, Viäskoonjaargâst, Naŋŋânjaargâst, Njellimist, Äijihjäävrist, Anarist, Väävlist, Pärttihist já Njižžjäävrist.

Puáldámušâi jyehim

  • Hamânijn ij lah puáldámušâi jyehim, mut Aanaar markkânist puáldámušâi vyebdimsajeh láá haammân alda.

Eres palvâlusah aldakuávluin

  • Aanaar markkânist lii paŋkkiavdomaatti, äššialmaipostâ, tiervâsvuođâtáálu, kyehti purrâmâškäävpi, talhâsskäppi, taksi já huolâttâssajattâh.
  • Avelist láá aldemuuh tiervâsvuođâkuávdáš, apteek já eres ko piäiválâštäävvirpuuvdah.
  • Anarist tuáimá kirdemjođettâspalvâlem.
  • Páiháliih irâtteijeeh (inarilapland.fi, suomâkielân) fäällih meiddei uápistum vandârdempalvâlusâid, tegu kuálástem-, kärbis-, kuoškâlyeštim- já moottorkiälkkámaađhijd.

Aanaar vandârdemkuávlu oovtâstpargoirâttâsah uárnejeh maaŋgâpiälásijd luánduaktivitetijd jyehi iveääigi já fäälih ollâtásásijd ijjâdemsoojijd.