Puáttim Aanaar vandârdemkuávlun

Aanaar vandârdemkuávlu olá Aanaar–Avveel-maađijpiällá (nr 4/E75) Myössäjäävrist Juvduu taavaabel já tast viestârân Aanaar–Kittâl-maađij (nr 955) pellâs, Solojäävri räi. Nuorttiibeln vandârdemkuávlu ana sistees pele Aanaarjäävrist. Anarân lii Ruávinjaargâst mätki 340 km, Kittâlist 185 km já Avelist 40 km. Aldemus ryevdirađesajattâh lii Ruávinjaargâst.

Kiäinui vyelgimsajeh

Kiäinui vyelgimsajeh láá Aanaar markkân aldasijn.
Vandârdem vyelgimsajeh.
Hamâneh kärbisjotteid láá Viäskoonjaargâst, Naŋŋânjaargâst, Njellimist já Anarist.

Linjâšautoin Anarân

Anarân láá piäiváliih bussivuáruh (matkahuolto.fi, suomâkielân) Ruávinjaargâst, Uccjuuvâst, Kärigâsnjaargâst já Kittâlist (Suáđigil peht).

Autoin Aanaar vandâremkuávlun

Aanaar markkânist, Paje-Laapi luándukuávdáš Siida, Inarintie 46, 99870 Aanaar (nr 4/E75). Saje lii suullân 70 aauton. Tuálloo oornigist tälviv.

Piälppáájäävri meccikirho parkkisajeh, Sarviniementie 247, 99870 Aanaar. Saje lii suullân 15 aauton. Tuálloo oornigist tälviv.

Juvduu Njuámmilcoskâs parkkisajeh, Kittiläntie 156, Aanaar. Saje lii 15 aauton. Tälviääigi parkkisaje lii ucceeb.

Juvduu Ryettikuoškâ parkkisaje, Kittiläntie 556, Aanaar. Saje lii suullân 5 aauton. Ij tolluu oornigist tälviv.

Huáššijäävri parkkisaje, Kaamasentie 151 (kogo kalga jorgettiđ čižetkietân já vyeijiđ 1,5 km), Aanaar. Saje lii 3 aauton. Ij tolluu oornigist tälviv.

Pieggâuáiváá parkkisaje, Inarijärventie 3261, Aanaar (maađij nr 4). Saje lii suullân 15 aauton. Tuálloo oornigist tälviv njuhčâmáánust ovdâskulij.

Kuobžâpiäjukeeđgi (Karhunpesäkivi) parkkisaje, Inarijärventie 2290, Aanaar (maađij nr 4). Saje lii suullân 20 aauton. Ij tolluu oornigist tälviv.

Mielâhjeegi parkkisaje, Veskoniementie 457, Avveel. Saje lii 8 aauton. Ij tolluu oornigist tälviv.

Juurakkoaijuu parkkisaje, Veskoniementie 849, Avveel. Saje lii 5 aauton. Ij tolluu oornigist tälviv.

Njellim Vuojâttemrääni parkkisaje, Nellimintie 4778 (kogo kalga jorgettiđ uálgiskietân já vyeijiđ 2,5 km), Avveel (Aanaar). Saje lii 20 aauton. Ij tolluu oornigist tälviv.

Kirden Avelân

Avveel kirdemkiedist joteh sáátuh Anarân já Avelân (kuljetusliikeilmarislant.fi, suomâkielân). Huámmáš, et saje kalga väridiđ oovdeb peeivi tijme 15 räi.