Sajadâh
Tave-Lappi, Aanaar, Aanaar vandârdemkuávlu, Aanaarjävri
Káámpán lii Anarist mätki 40 km ja Viäskoonjaargâst suullân 30 km.
Tuve koordinaateh: Euref-Fin (~ WGS84) lat: 69° 01.4712' lon: 27° 53.1164' ETRS-TM35FIN: N: 7657351 E: 535365
Keessiv Jorŋâluohtân piäsá kárbáin jouv Skállu- tâi Cuobbuujoorŋâ pelni. Tälviv moottorkiälkkákiäinu jotá suullân 5 km keččin tuuveest.
Aldemuš sijdâ lii Aanaar 40 km keččin, mast láá puoh vuáđupalvâlusah.
Suollust aldemuš ránnjá lii suullân 1 km keččin.
Retkikartta.fi (suomâkielân)
Hadde
Hadde 100 € / ijjâ tâi 700 € / okko (sis 10% álv)
Čovduuh
Čovduid puáhtá viežžâđ Avveel palvâlemčuággást tâi Paje-Laapi luándukuávdáš Siidast máksukuuitâ vuástá. Čoovdâ macâttuvvoo siämmáá sajan.
Soovâ ain muuneeld čovdui toimâttemtäävi.
Reiskääpih
Jorŋâluovtâ kámppá lii kuálláás čaasij kulen já heivee jäävri kulen vandârdeijeid sehe luámučuosâttâhhân.
Lieggiimân muorâuvnâ, lasseen täkki, kaasuhellá, -uvnâ já -jieŋâskäppi. Čuovânâssân láá kinttâleh já piäiváškennočuovah. Tuuveest láá levâttemnáál seeŋgah pajeriicist já seŋgâsohvá. Juuhâmčääsi puáhtá väldiđ jäävrist. Sävni lii sierânâs huksiittâsâst, komposthiivsig sehe šiljoost tulâstâllâmsaje.
Láigukámppá reiskääpih (pdf, 116 kt)
Tuuveest láá pasâttâsliteh, mut avžuuttuvvoo, et máđháliih pyehtih pasâttâsâidis hamânij ekočuággáid, moh láá Aanaar markkân já Viäskoonjaargâ hamânijn. Luuvâ lase ruskâttis vaandârdmist.
Huámášutmeh
Kámppáást 5 km keččin jotá Aanaar–Čevetjävri -moottorkiälkkákiäinu. Riddoost lii ruggâ já riidon puáhtá laddiđ stuárráábáinuv kárbáin.
Tupe lii puásuituálukuávlust, vääldi huámášumán rijjâ kuáttoo poccuid já toolâ pennud päädist, luuvâ lase vaandârdmist puásuituálukuávlust (suomâkielân).
Aldemuš uáinámuš lii Täyssinä ráávhu räjiurrâ.
Vääldi fáárun wc- já kievkkân pápáreh já kinttâleh.
Tupán ij uážu pyehtiđ jiellâhelleid.
Huolâttâsâst västideijee
Meccihaldâttâs, Laapi Luándupalvâlusah.
Lasetiäđuh Avveel palvâlemčyegis, puh. 0206 39 7701, já Paje-Laapi luándukuávdáš Siida, puh. 0206 39 7740.
