Ryettikuoškâ, láigukámppá

Láigukámppá (suomâkielân), 9 olmožid / 35 m²

Väärridmeh

Tuuvijd puávtáh väridiđ njuolgist Eräluvat.fi -viermikäävpist (eraluvat.fi).
Väridemiävtuh Ryettikuoškâ láigukáámpán (suomâkielân). 

Stuorrâ hirsârakânâs oovtâ seeinist láá kyehti muorâuuvsâ, mut iä stuorrâ laasah. Peeŋkâ alne čokkáá vandârdeijee. Piäiváš páštá ruánáá nijttošiiljon.
Kove: Tuija Kangasniemi / Meccihaldâttâs.
Stuorrâ nijttošiljo roobdâin láá kyehti hirsârakânâs. Nube suovâpoccest paijaan suovâ. Kukken tuáváást šiärráá juuhâ.
Kove: Tuija Kangasniemi / Meccihaldâttâs.

Jiešráđálii vandârdeijee laiguuttemčuosâttâh meccikuávlust, kost iä lah merkkejum pálgáh. 1900-lovo algâiveluuvij ääigi huksejum, hiirsâin rahtum stuorrâ kollekámppá – Ryettikuoškâ Kuldal – lii Avveeljuuvâ taavaa riddoost, suullân 3 km Čuđejuuvâ njäälmist vyeliviirdán. Cuávis čääsi ääigi juuvâ puáhtá mokseđ kuoškâuáivuš peht kälimáin. Siämmáá rakânâsâst 6 ulmuu ävđintupe. Šiljopirrâsist olgohiivsig, liider, rááju, tulâstâllâmsaje já lukkâdum huolâttâstupe.

Sajadâh

Tave-Lappi, Aanaar, Pänituoddâr meccikuávlu

Tuve koordinaateh: Euref-Fin (~ WGS84) lat: 68° 30.2459' lon: 26° 55.7083'  ETRS-TM35FIN: N: 7599070 E: 497074

Tupe lii Avveeljuuvâ taveriddoost, suullân 3 km Čuđejuvnjäälmist nuortâs.

Retkikartta.fi (suomâkielân)
Pänituoddâr meccikuávlu káártáh

Hadde

40 € / ijjâ (sis 10% álv), ijjâ lii 14:00–12:00. Káámpá puáhtá väridiđ njuhčâ-roovvâdmáánust. 

Čovduuh

Čovduuh láá tuve seeinist čoovdâskaapist syelisääni tyehin. Ravvuuh já syelisääni vuolgâttuvvojeh väridem ohtâvuođâst.

Reiskääpih

Kamina, kaasuhellá, kerdiseeŋgâin madreseh, kuádáh já lovduuh, olgohiivsig, ij sävni. Čääci juuvâst.
Huámmáš, et tuve lieggânem váldá ääigi.

Huámášutmeh

Elleeh láá tirvápuáttim tupán. Siämmáá táálust lii ävđintupe.

Avveeljuuvâ Kuldalist lii mätki Ryettikuoškân Avveeljuuvâ taavaa rido čuávumáin suullân 11 km. Kuldalân jotá Pahaojast 12 km merkkejum kesikiäinu. Avveeljuuvâ já Suátijuuvâ paijeel láá hiäŋgušaldeh. Tuve kuuvl piäsá meid miälun. 
Ryettikuoškâ puáhtá rasdaldittiđ cuáhás äigin kuoškuáivušist váruvávt käälin.

Pasâttâshuolâttâs

Tuuveest láá pasâttâsliteh, mut vandârdeijeeh avžuuttuvvojeh pyehtiđ ruskijdis meddâl meeccist. Luuvâ lase ruskâttis vaandârdmist.

Huolâttâsâst västideijee

Meccihaldâttâs, Luándupalvâlusah.
Lasetiäđuh Urho Kekkonen aalmuglâšmeeci äššigâspalvâlmist, puh. 0206 39 7200 já Paje-Laapi luándukuávdáš Siida, puh. 0206 39 7740.