Aanaarjäävri kiäinuiävtuttâsah

Määđhi vyelgimsajeh

Aanaarjáávrán puáhtá vyelgiđ maaŋgâ sierânâs saajeest. Ko lii saahâ stuorrâ jäävrist ige juuvâst, te ij lah lemin tuše tiätu kiäinu, pic maađhijd ferttee jieš vuáváđ. Já talle-uv, ko vyelgidijn lii kiäinuvuávám valmâšin jurdâččum, te kalga rahttâttâđ toos, et tom kárttá rievdâdiđ šooŋâi mield.

Mieldičuávvoo káártán láá merkkejum táválumoseh vyelgimsajeh. Toh láá kärbishamâneh tâi kárbályeštimnjuáiduseh, moh láá almolâš kiävtust.

Mehccihaldâttâs © 2013

Vyelgimsoojij koordinaateh, WGS 84 -vuáhádâh (autonavigaattor) kobdodâh ja kukkodâh

  • Avveel 68,66070 ja 27,54390 (kobdodâh ja kukkodâh)
  • Äijihjävri 68,754082 ja 27,457729
  • Lomakylä Inari 68,902284 ja 27,036735
  • Aanaar markkân kärbishaammân 68,908437 ja 27,019198
  • Kuátiluohtâ 69,083695 ja 27,649673
  • Njihenjargâ 69,173066 ja 27,910820
  • Njižžjävri 69,268575 ja 27,980799
  • Viäskoonjaargâ kärbishaammân 68,785306 ja 27,645431
  • Naŋŋânjargâ, Meccihaldâttâs kärbishaammân 68,828252 ja 27,793257
  • Koddevuonâ 68,720466 ja 27,754501
  • Njeellim kärbishaammân 68,848101 ja 28,321062

Jäävrist iä lah merkkejum miällumkiäinuh. Čuávuváin kiäinuiävtuttâsâin láá kovvejum káártást motomeh raavâlâš kiäinuh. Toi čuávvum váátá káártá já meeci luuhâmtááiđu, já tiäđust-uv še tuárvi šiev šooŋâ. Kiäinuid ij pyevti miälluđ nievris šooŋâst. Kiäinuiävtuttâsah láá rahtum vyelgimhaammân mield.