Aanaar palvâlusah

Äššigâšpalvâlem já ravvim

Oovtâstpargopeelij faallâm palvâlusah vandârdemkuávlust

• Vandârdemkuávlust palvâlusâid fällee oovtâstpargopeleh.
  • Täin tuáimein lii oovtâstpargosopâmuš Meccihaldâttâssáin já toh olášutteh kilelis luándumađhâšem vuáđujurduid ko tuáimih Aanaar vandârdemkuávlust.

Purâdem, mälistem já evvisij haahâm

Kähvivisteh, raavâdviäsuh, puuvdah já kioskih

• Siidast tuáimá raavâdviäsu Sarrit.
• Anarist láá puuvdah, raavâdviäsuh já kähvivisteh.
• Misseejäävrist lii kähviviste. 

Tulâstâllâmsajeh

• Aitârdum tulâstâllâmsajeh kávnojeh vandârdemkuávlust puohnâssân suullân kulmâlov. Toi ohtâvuođâst lii távjá láávu tâi lávupeeli addelmin syeje sehe koškehiivsig. Tulâstâllâmsajeh láá kiäinui piälláin já virkosmittemkuálástemčuosâttuvâin.
• Aanaarjäävrist láá aitârdum ävđintuvij ohtâvuođâst tulâstâllâmsojij lasseen káttusijguin syeijejum tulâstâllâmsajeh Piälppáávuonâst, Lyevisuollust, Pecsuollust, Káhkusuollust, Puoiduusuollust, Tyllylahtist já Lusmenyereest. Káttusttes tulâstâllâmsajeh kávnojeh Ollâ-Máávrá jieŋâkuovđâšm kulen já Viäskoonjaargâ alda Palosaarist.
• Peivituveh láá uáivildum vuoiŋâstem já tulâstâllâm várás. Aanaar vandârdemkuávlust láá kyehti peivituve:
  • Supekuoškâ
  • Ocomâš
• Meccipuáluváruttâs ääigi tulâstâllâm lii kieldum tulâstâllâmsoojijn.

Juuhâmčääci

• Kuávlu jaavrij, aijui já juuvâi čääsih láá táválávt juvâttetteeh, mut čácáduvâi čäcikvaliteet ij lah tutkum.
• Aanaarjäävri čääsi markkân alda kannat leđe kevtihánnáá juuhâmčääccin, mut kolgee čaasijd puáhtá juuhâđ.

Pasâttâshuolâttâs

• Kieldâlâš pasâttâsâi šlajâttâllâmsaje lii kuávdoo markkân. Ekočuággáh láá kärbishamânijn Viäskoonjaargâst, Naŋŋânjaargâst, Njellimist já Anarist.
• Ävđin- já peivituuvijn láá siähálâspasâttâsliteh.
• Luuvâ lase lyenettes vaandârdmist.

Hiivsigeh

• Ävđin- já peivituuvijn sehe maaŋgâin tulâstâllâmsoojijn láá koškehiivsigeh.

Ijâstâllâm

Teltastâllâm já láávuh

• Teltastâllâmsajeh láá Anarist já Äijihjäävrist. Čuákkipaihij ulguubeln puáhtá teltastâllâđ rijjâ juáhháá vuoigâdvuođâ vuáđuld.

Ävđintuveh

Ävđintuuvijn puáhtá ijâstâllâđ iijâ tâi kyehti, täärhib tiäđu tuuvijn finniih tupetiijpah-siijđost (suomâkielân).

• Pecsuálui, Aanaarjäävrist Segispecsuolluu taveviestâr riddoost.
• Jieŋâsuálui, Aanaarjäävri Jieŋâsuolluu maadânuorttii riddoost.
• Kiäigunyeri (Punainentupa), Aanaarjäävri máddááuásist, Čaarmânjaargâ taavaakeččin.
• Puoiduutupe, Aanaarjäävri Varttaasuolluu máddáábeln, Puoiduusuolluu taavaakeččin.
• Káhkusuálui,  Aanaarjäävri Vijmáásuolluu tavenuorttiibeln, Káhkusuolluu maadânuorttii riddoost.

Láigutuveh

Láigukámpáh väriduvvojeh ollásávt jieijâs kiävtun.

• Mahlad láigutupe, Aanaarjäävrist, Mahlad taavaabele uccâ suolluužiist.
• Selkälahti, Tave-Anarist Varttaasuolluu aldasijn leijee vuáđutivodum láigutupe.
• Äijihjävri, Avveel já Aanaar kooskâst váldumaađij 4 piällást, suullân 16 km Avelist tavas Äijihjäävri riddoost, Lomarengas (lomarengas.fi, suomâkielân).
• Pecsuálui, Aanaarjäävri Segispecsuolluu taveviestâr riddoost suáijáás luohtâkaavâst, Lomarengas (lomarengas.fi, suomâkielân).  

Leirimsajeh já karavaanarij palvâlusah

• Anarist já Äijihjäävrist.

Säävnih

• Anarist já Meccihaldâttâs láigukámppáin.

Hotelleh já luámutuuvááh

• Anarist já Njellimist.

Hamâneh

• Viäskoonjaargâst, Naŋŋânjaargâst, Njellimist já Anarist.

Ijâstâllâm aldakuávluin

• Ijâstâllâmpalvâlusah kávnojeh ereslasseen. Avelist, Suáluičielgist já Kaamâsist.

Riäidui laiguuttem

• Kuávlu irâtteijein (laplandnorth.fi, suomâkielân) puáhtá laiguuttiđ kárbáid, kanottijd, moottorkiälháid já vandârdemriäiduid.

Iästuttes palvâlusah

• Jorreestovlijn piäsá puoh Sämimuseo já Paje-Laapi luándukuávdáš Siida čáitálduvváid. Olgomuseon puáhtá uápásmuđ išedeijein.
• Juvduu piällá Njuámmilcoskâs tulâstâllâmsaje lii iästuttem.
• Kiäptuláádu já Kiäptukiävŋásiiuáivuš tulâstâllâmsajan Rivdulist piäsá autoin.
• Piegguáiváá aalaa parkkisaajeest lekkâs váárdus Aanaarjáávrán.
• Páihálij irâtteijei palvâlusâid kevttimáin puáhtá uápásmuđ enâdâhân sehe keessiv et tälviv. Aanaarjäävrist tuáimih maaŋgah priivaat irâtteijeeh, moh uárnejeh kärbissáátuid. Maaŋgah Aanaarjäävri palvâlemráhtusijn heivejeh meiddei jorreestoovlij kevtteid.

Kárbáin jottei palvâlusah 

Väävlih

• Aanaarjäävrist láá vävlimeerhah, maid lii pyeri nuávdittiđ jäävri karguuvuođâ tiet. 
• Vavlij almos jotteemkieŋŋâlvuotâ lii 1,8 m, motomijn puuvijn já riddopiälláin jotteemkieŋŋâlvuotâ lii 1 m. Táválávt jävrikuávlu tuuvijd lii älkkee aldaniđ, mut tuuvij kuuvl iä lah merkkejum virgáliih väävlih.
• Aanaarjäävri kárbáinjotteemkáártán (nr 480) láá merkkejum kärbisjotolâhväävlih já kieŋŋâlvuotâsárgáh.

Hamâneh

• Kyeli- já kärbishamâneh láá Anarist, Naŋŋânjaargâst, Viäskoonjaargâst já Njellimist.

Kärbisnjuáiduseh

• Kärbisnjuáiduseh láá Avelist, Viäskoonjaargâst, Naŋŋânjaargâst, Njellimist, Äijihjäävrist, Anarist, Väävlist, Pärttihist já Njižžjäävrist.

Puáldámušâi vyebdim

• Hamânijn iä vuobduu puáldámušah, mut Aanaar markkânist puáldámušâi vyebdimsaje lii haammân alda.

Eres palvâlusah aldakuávluin

• Aanaar markkânist lii paŋkkiautomaat, äššialmaipostâ, tiervâsvuotâtáálu, kyehti purrâmâškäävpi, talhâsskappi K-käävpist, taksi já huolâttâssajattâh.
• Avelist láá aldemuuh tiervâsvuotâkuávdáš, apteek já eres käävpih ko jyehipiäiválij tävirij käävpih.
• Anarist tuáimá kirdemjođettempalvâlem.
• Páiháliih irâtteijeeh (laplandnorth.fi, suomâkielân) fäälih meiddei uápistum vandârdempalvâlusâid, tego kuálástem-, kärbis-, kuoškâlyeštim- já moottorkiälkkámaađhijd.