Čaarmâuáivái meccikuávlu lii Avveel-Njellim-maađij (969) já Avveel-Räji-Joovsep-maađij (91) sehe Ruošâ rääji hammim kuulmâčievvâg kooskâst.

Jotteemohtâvuođah

 Avdoin

  • Čaarmâuáivái meccikuávlun piäsá älkkeht jieijâs avdoin ko vuálgá Avelist Räji-Joovsep maađij (91) kuávlun suullân 20 km, mast kalga iärániđ tavas Naŋŋâjäävri mecciavdomaađijjân. Mecciavdomaađijjist láá maaŋgag kiäinuh meccikuávlu rááján. Vyeijimmätki Räjijoovsepmaadij mield čoggâšuvá suullân 25 km.
  • Meccikuávlu taavaabel piäsá vyejimáin Avelist Njellim (kuávlumaađij 969) kuávlun suullân 20 km, mast kalga jurgâluđ nuortâs Kondosjäävrimaađijjân. Vyeijimmätki Njellimmaađij lunne meccikuávlu rááján lii 10 - 20 km.

Almos fiävruigijn

  • Junáin (www.vr.fi, suomâkielân) piäsá jyehi peeivi Ruávinjaargân, mast jotkâohtâvuotâ bussijn Avelân. Avelist lii argâpeivij bussivuáru Njellimân. Njellimmaađij pellâst lii vala ucemustáá suullân 10 km väzzimmätki meccikuávlu rááján. Busij äigitavluh (www.matkahuolto.fi, suomâkielân).
  • Kirdemmašináin (www.finavia.fi, suomâkielân) piäsá piäiválávt Helsigist Avelân

Vandârdem vyelgimsajeh

Parkkisajeh iä lah, mut hiäivulii mecciavdomaađij puáhtá keččâđ káártást já kyeđđiđ avdos ton pellâs.

Káártáh

Káártáh šleđgâhäämist

Meccihaldâttâs © 2014

Eres káártáh

  • Aanaar čujottâs- já virkostâskárttá, 1:150 000, Säämi eennâmmittedâmlájádâs 2013. Káártáid puáhtá uástiđ Meccihaldâttâs Avveel palvâlemsaajeest já kirjekaavpijn, moin lii šiev valjimmune.
  • Topografisiih káártáh V522, V524 já W513; 1:50 000, 2008. Káártáid puáhtá uástiđ ovdâmerkkân Meccihaldâttâs Avveel palvâlemsaajeest já Eennâmmittedâmlájádâsâst.
  • Tave-Suomâ maajikárttá (GT-kárttá), 1:400 000. Káártáid puáhtá uástiđ ereslasseen Karttakeskusist já kirjekaavpijn, moin lii šiev valjimmune.

Kártái vyebdimsajeh

Parkkisajeh

Parkkisajan ij lah tärhis čujottâstiäđu.