Paimânohoh láá oho kukkosiih määđhih njuolgist Suomâ härvinumos luándutiijpâi ađai ärbivyehipirrâsij kiäsutteijee maailmân. Uuccâm Meccihaldâttâs pivnohis Paimânohhoid álgá uđđâivemáánu pelimuddoost, já paimânčuosâttuvah láá fáállun jieškote-uv kuávluin Suomâst ohtsis 14.

Paimânin puáhtá uuccâđ Meccihaldâttâs Luándupalvâlusâi luontoon.fi-viermisiijđoin. Uuccâm álgá vuossaargâ 15.1.2024 tme 12 já lii áávus oho verd 22.1.2024 tme 12 räi.

Paimâneh vuárbáduvvojeh occei juávhust kuovâmáánu ääigi. Paimânohoin šadda máksu, já čoggâšum puáđuh kiävttojeh ärbivyehipirâsčuosâttuvâi já taid pirâstittee kuávlui paijeentolâmân já luándu tipšomân. Paimânohoh uárnejuvvojeh vyesimáánu loopâst čohčâmáánu räi, já ohoi äigipajeh pyehtih mulsâšuddâđ jieškote-uv čuosâttuvâin.

Paimânohoi ääigi piäsá kolliđ luándu maaŋgâhámásâšvuođâ njunošsoojijd

Paimânohhoid uásálistee ulmuid lii tiäđust ohtâ okko luándu maaŋgâhámásâšvuođâ váimusijn. Sij viettih ääigi ärbivyehipirrâsij, tego räsikiedij, niijtoi já meccikuátumij, seervist.

Paimânohoi ulmen lii paijeentoollâđ täi ärbivyehipirrâsij herkis luándu ađai estiđ toi ubbum meeci siisâ. Ärbivyehipirrâseh kuleh Suomâ uhkevuálásumos luándutijppáid.

Ärbivyehipirrâseh láá ääigi kulâdijn lappum, ko syemmilij iäláttâsah láá rievdâm ärbivuáválii, smavâhámásii eennâmtuálust. Luándu tááhust tile lii uáli váádduh – suullân niäljádâs Suomâ uhkevuálásijn šlaajâin eelih ärbivyehipirrâsijn.

Paimânijn lii asto viäluttâllâđ teikkâ veikkâ vandârdiđ

Paimânij ovdâsvástádâssân lii adeliđ elleid čääsi, rekinistiđ taid jyehi peeivi já čuávvuđ ellei almolii iälšu. Távjá kuáđuttemnáál láá saavzah, mut motomin kuusah já hiäppušeh.

Táálu pargoh väldih peeivist smaavâ uási, já äigi páácá pyereest ovdâmerkkân väzzimmađhijd aldapirrâsist. Paimânohoi čuosâttuvâin maaŋgâs lii-uv šiev vandârdemmáhđulâšvuođâi piällást.

Ohtâ Paimânokkočuosâttuvâin lii mávsuttem, mut siskeeld eenâb ovdâsvástádâs ko eres čuosâttuvah. - Piälppáájäävri meccikirho kuuvl Anarist láá uuccâmnáál rijjâtátuliih tipšooh toollâđ kuávlust huolâ já ravviđ vandârdeijeid. Rijjâtátuliih aneh huolâ sehe čuosâttuvâst já ellein. Looveest láá šyehkim pajedeijee luándutipšompargoh, tego kiedi njaskâm já nijttem, maainâst Paimânohoi koordinaattor Leena Hiltunen Meccihaldâttâs Luándupalvâlusâin.

Paimânčuosâttuvâin lii távjá saje aassâđ, já nuuvtpa paaimân puáhtá väldiđ fáárun skipárijd. Jielâheh uážžuh puáttiđ motomáid čuosâttuvváid. Jis áigu paimânin, kannat uápásmuđ puorijn aigijn čuosâttuvâi kuvviimáid – tileh láá tááláin mittoin vyeligááh, mut taheh máhđulâžžân suotâs luámuoho.

Uápásmuu Paimânohoi äigipoojijd já čuosâttâhkuvviimáid čujottâsâst https://www.luontoon.fi/vapaaehtoistoiminta/paimenviikot (suomâkielân)

Lasetiäđuh: 

• Paaimândmân puáhtá uápásmuđ meid Ulkoruokinnassa-podcastijn (tuše suomâkielân) 
• Keejâ meid ärbivyehipirrâsij tipšomist Meccihaldâttâsâst (metsa.fi, suomâkielân)