Máttáátteijei

25.9.2020
Koronavirus keežild luándust-uv lii tergâd toollâđ torvokooskâid já čuávvuđ eromâš kietâhygienia om. tuuvijn, tulâstâllâmsoojijn já hiivsigist ellimij maŋa. Meccihaldâttâs miärádâs já ravvuuh peividuvvojeh, ko almolâš koronaravvuuh šaddeh tärhibin. Keejâ lasetiäđuid já čuávu mii ravvuid (suomâkielân).
1.10.2020
Säämimuseo já luándukuávdáš Siida uđâsmuvá. Siida-rakânâs tivvoo já vijđeduvvoo 2020 – 2022 sehe čáitáldâh uđâsmittoo. Luuvá lase Siida sijdoin.

Amnâstuvvah

Luándu-uápistmeh

  • Väridemnáál uápistum joođeetmeh kyessijuávhui várás.
  • Uápistem kalga väridiđ muuneeld já tot máksá 120 € / juávkku.
  • Uápistem pištá suullân 1 h.
  • Avžuuttâs lii, et juávhust láá enâmustáá 25 olmožid.

Mätki-iävtuttâsah

  • Juvduu päälgis (8 km) čuávu Juvduujuuvâ rido já maainâst anarâšâi päikkijuuvâst kolbâiguin. Pálgást puáhtá jotteeđ meiddei tuše uánihis oosijd.
  • Piälppáájäävri meccikirkko (ohtsis 7,5 / 10 km) já ton luándunijtto lii mučis meccičuosâttâh. Pálgá piällást šaddee aikkâpeesih láá uáinim árvusiih!
  • Ocâmâštuodâr (ohtsis 6 / 18 km) haaldâš Aanaar markkân aldaenâduvvâid, já tuoddâr uáiváá alne lii pyeri kejâdiđ nuuvt Aanaarjäävri oolâ ko Lemmeejuuvâ aalmuglâšmeeci tuoddârij kuávlun já Myeđhituoddârij já pänituoddâr meccijd. Oovtâ peeivi määđhi Ocâmáá oolâ puáhtá vuáváđ maaŋgâ kukkosâžžân. Luuvâ lase Aanaar vandârdemkuávlu luándupálgást já eres kiäinuin.

Purâdem

  • Aanaar vandârdemkuávlust lii evvisij puurrâm várás hiäivuliih tulâstâllâmsajeh, já Paje-Laapi luándukuávdáš Siida šiljoost láá peevdih já peeŋkah.
  • Vandârdem ABC:st kávnoo lasetiätu almolávt mätkipurrâmâšâst já ravvuuh luándun ustevlij evvisij skappuumân.
  • Siida raavâdviäsu Sarrit (siida.fi) fáálá njaalgâ purrâmâš já sálttáás já sukkâris niisuid, moh láá rahtum Säämi luándu adalduvvâin. Kyessijuávhui purâdempalvâlusah uárnejuvvojeh tiiláámáin. Purâdem puáhtá tiiláđ meid Siida kuátán.
  • Aanaar markkânist láá purâdemsajeh, moh suápih juávhoid.

Visteh já piergâseh

Máttááttemkiävtun lii máhđulâš laiguuttiđ (siida.fi, suomâkielân) Siida ráđádâllâmviste (sl 10 ulmui) tâi auditorio (80 saijeed).