Ravvuuh Čaarmâuáivái kuávlust jotemân

  • Kuávlust láá vyeimist jyehialmaavuoigâdvuođah (www.ymparisto.fi, suomâkielân).
  • Staatâ enâmijn Paje-Säämist lii Meccihaldâttâs unnum tulâstâllâm sierânâs lovettáá enâmân koččâm riissijd já oovsijd keevtin. Eennâmmuorâi ađai enâmân viirrâm ucceebárvulâš muorâi väldimân já kevttimân tarbâšuvvoo eennâmmuorâlope, mii finnee Meccihaldâttâs Avveel palvâlemsaajeest.
  • Mušte kyeđđiđ almottâs alnaad, jieijâd äigitavlust já kiäinuvuáváámist ustevijdâd já uámihijdâd tâi Meccihaldâttâs Avveel palvâlemsajan. Etitábáhtusâin puhelinnummeer, mos vuossâmustáá suáittoo lii 112! Kuávlu piäluštâspalvâlus lii laavâ mield läjidum, já toos finnee ohtâvuođâ etikuávdáá pehti. Mušte almottiđ meiddei tast, ko lah pyevttâm tohon kuus lijjih monâmin, amas iä usâškuáđáččii tuu tušij tiet. Piäluštâspalvâlus piärá máávsu tušše ucâmijn.

Muuneeldrahttâttâm

Mätkipuhelin kullum

  • Veikkâ Suomâ mätkipuhelinviermih láá-uv luávdeeh, Čaarmâuáivái meccikuávlust ij puhelin iänááš kulluu. Vissásumosávt puhelimeh pyehtih toimâđ maađij aldasijn já pirrâs alebijn soojijn. Meiddei mätkipuhelimij já operaattorij kooskâin láá kullumiäruh.

Reiskääpih

  • Čaarmâuáivái meccikuávlu heivee meiddei taggaar kompastobdee vandârdeijei, kote ij lah hárjánâm jotteeđ meeccist, ko meccikuávlu lii viehâ ucce. Čaarmâuáivi lii kuittâg puigâ meccikuávlu, mii lii tavveen já et merkkejum kiäinui já aitârdum tuvij váilum váátá áášánkullee piergâsijd: káártáid, kompas, telta, pihtsijd, uáđđimseehâ já tuárvi purrâmâš.
  • Čaarmâuáivái meccikuávlu lii arktâlâš kuávlu, mii váátá reiskääpijn sierânâs jiešvuođâid. Kesikyevdilist-uv tilálâšvuođâh pyehtih jotelávt muttuđ kuárdee paahâst čuássáás myettei. Tälvipuolâšij äägi puáhtá puolâš pisottâllâđ maaŋgâid peeivijd -20 aste vuoluubeln. Jis ij lah olmânáál rahttâttâm já iä lah áášánkullee piergâseh fáárust, sáttá määđhist šoddâđ negatijvâlávt muuštonpäccee.