Jotteemohtâvuođah

Maađijeh joteh Aanaarjäävri puohâin eres suundijn eereeb nuorttân. Maađijttesvuotâ lii-uv kuávdášlâš suijâ toos, et jäävri nuorttiibel lii vuáđudum Vääččir meccikuávlu.

Avelist vyelgidijn láá kyehti molsâiävtu, vyelgim tavas tâi nuortâs. Tavas vyelgidijn váldumaađij juksá Aanaarjäävri Aanaar markkânist, 40 kilomeetterid Avelist.

Jo Avelist piäsá čäcikiäinu mield Aanaarjáávrán. Kárbá puáhtá lyeštiđ siijdâ kuávdáást čujottâsâst Petsamontie 5, mast lii Siwa-kävppi já linjâšautosajattâh. Táálu tyehin Avveeljuuvâ riddoost lii kärbislyeštimnjuádus já parkkisaje.

Aanaarjäävri sajadâh Suomâs

Autoin

Taavaabeln Aanaarjáávrán

  • Äijihjáávrán váldumaađij nr 4 (E75) 10 km tavas Avelist. Äijihjävri lii aaibâs maađij pellâst, mut almolâš kärbislyeštimnjuáidus jáávrán ij lah. Äijihjäävri já Aanaarjäävri ovtâsteijee čuálmi lii Äijihjäävri tavenuorttiikeččin Evnnjaargâ já Äijih kooskâst.
  • Aanaar markkânist piäsá jäävri oolâ jo-uv kieldâ kärbishamânist tâi páihálii mađhâšemirâttâs riddoost.
  • Päärtih lii Anarist tavas Čevetjäävri maađij mield nr 971 suullân 38 kilomeetterid, mon maŋa maađij rátkoo Njihenjaargân. Njihenjaargâst lii kieldâ kärbisnjuáidus já parkkisaje.
  • Njižžjävri lii ohtâvuođâst Aanaarjáávrán. Njižžjáávrán šadda mätki Anarist (maađij nr 971) suullân 70 kilomeetterid.

Nuorttiibeln Aanaarjáávrán

  • Njeellim kärbishaammân, kuus kalga vyeijiđ maađij nr 969, Avelist nuortâskulij. Njellimân šadda mätki Avelist 41 kilomeetterid.
  • Viäskoonjaargâ kärbishaammân, kuus kalga vyeijiđ Njeellimmaađij nr 969 s. 9 km, mon maŋa maađij rátkoo čižetpel Viäskoonjaargân, kuus lii vala 14 kilomeetterid. Ovdil Viäskoonjaargâ siijdâ lii Meccihaldâttâs toollâm Naŋŋânjaargâ kärbishaammân. Maađij lii muálkkáá já tiärmáá, já ko tast rátkojeh eres maađijeh, te kárttá lii tárbulâš.
  • Kuáppilist. Avveel siijdâ taavaabeln šalde maŋa rátkoo maađij uálgispel. Kuáppil maađij kalga vyeijiđ suullân 11 km, mon maŋa maađij nohá juhâriidon. Tobbeen lii kärbislyeštimnjuáidus já parkkisaje.

Jis autonavigaattor lii kiävtust, te älkkeemus lii adeliđ tom stivriđ vyelgimsajan. Vyelgimsoojij koordinaateh láá almottum saajeest "Määđhi vyelgimsajeh".

Almolij fiävruiguin 

  • Avelân já Anarân láá piäiváliih linjâšautovuáruh Ruávinjaargâst, Ucjuuvâst, Kärigâsnjaargâst já Njiävđámist. (www.matkahuolto.fi, suomâkielân)
  • Aldemuš kirdemkieddi (www.finavia.fi) lii Avelist.

Káártáh

Káártáh šleđgâhäämist

Meccihaldâttâs © 2013

Eres káártáh

  • Aanaar čujottâs- já virkostâskárttá, 1:150 000, Säämi eennâmmittedâmlájádâs 2013. Káártá puáhtá uástiđ ereslasseen Paje-Laapi luándukuávdáš Siidast já Meccihaldâttâs Avveel palvâlemsaajeest.
  • Topografisiih káártáh, nro W511, W512, W513, W514, W521 já W522, 1:50 000, Eennâmmittedâmlájádâs 2008. Káártáid puáhtá uástiđ ereslasseen Paje-Laapi luándukuávdáš Siidast já Meccihaldâttâs Avveel palvâlemsaajeest.
  • Kärbisjotteemkárttá, 480 1:50 000, Merâjotteemlájádâs 2011. Káártá puáhtá uástiđ ereslasseen Paje-Laapi luándukuávdáš Siidast já Meccihaldâttâs Avveel palvâlemsaajeest.
  • GT mááđijkárttá Tave-Suomâ, 2013, 1:400 000. Káártáid puáhtá uástiđ el. Kárttákuávdáást (Karttakeskus) já pyereest riäidudum kirjekaavpijn.

Kártái vyebdimsajeh

Káártáh

Parkkisajeh

Aanaar
  • Kalasatamantie, 99870 Inari
Avveel
  • Petsamontie 5, 99800 Ivalo (Inari)

Parkkisajan ij lah tärhis čujottâstiäđu. Eres parkkisajeh.