Uđâsarkkâdâh

Tábáhtuseh luándust kuovâmáánust

Aanaar já Ucjuv kuávlust lii ive áálgust muáttám ennuv já eennâm alne lii jo uáli ennuv muotâ. Muotâ kuádádâh lii kuávlust kiddâ. Mottoom saajeest muotâ lii jo álgám suáhuđ já talle cuáŋui suvdá pyereest. Meecist muotâ lii kuittâg timmâ já luáđhus.
 
Čevetjäävri kuávlust láá Meccihaldâttâs pargeeh ráivám Hoppoogjäävrist puállám ävđintuve vistepasâttâsâid. Pyellimsaajeest lii máhđulâš juátkiđ hárávâššâđ kiđđuv ko šoŋŋâ váhá lieggân já muotâ suddá. Ton puudâ pyellimsaajeest ferttee lihâdiđ várugávt ko enâmist láá spijkáreh já muide eres pastelis puálulyeneh.
 
Puáldimmuorâhuolâttâs kuávlust lii jo álgám. Mottoom sajan pargeeh pyehtih valmâš čieskâsijd seehâin.  Ko seehah láá kuáruseh, piejâ taid lyeniliitán. Čevetjäävrist muorâhuolâttâs lii jo porgum Issáák jäävri ävđintupán já Hoppoogjáávrán. Veikkâ ävđintupe lii puállum, te tullâsaje lii máhđulâš kevttiđ. 
 
Kiävu luándumeeci pargeeh pargeh puáldimmuorâhuolâttâs maadâkuávlust taan ohhoost já  tavekuávlust puáttee ohhoost. Kiävust kiedi pargeeh láá huámášâm ete muotâkamuvväzzim lii kuávlust lasanâm. 
 
Lemmee luándumeecist puáldimmuorâhuolâttâs lasseen láá kollekuáivojeijeeh huolâttâsvuájuškuáttám já huolâttâskiäinuin uážžu meiddei jotteeđ kii peri. Vandârdeijeeh kalgeh mušteđ ete kiälháin lii vaigâd karveđ vandârdeijeid já vieltist sáttá leđe máhđuttem juátkiđ määđhi.
 
Aanaar markkân lätteid láá rahtum 
 
Čuoigâmäigi Aanaar markkân lättein lii oppeet álgám. Lättein annoo huolâ 15.4.2018 räi čuávuváin peeivijn: 
 
Vuossaargâ já vástupeeivi Piälppáájäävri lättee
Koskoho Juvduv já Ocomâš lättee
 
Lasetiäđuh: