Tiervâ lohhee, ko luuvah teevstâ, jieh veltidhánnáá tieđe, kii teevstâ čällee lii. Jis lah Sámi meahcit já luondu -facebook čuávvoo, te lah máhđulávt majemuu mánuppaje ääigi luuhâm tiäđuid sämmilii mánuppoojij merhâšuumeest teikkâ lah vuolgâttâm kuuvijd Lemmee aalmuglâšmeecist aalmuglâšmeeci facebook -siijđon. Lah kenski uáinám almostitmijd, moin muštâluvvoo www.lundui.fi- siijđoin já lah toi peht kavnâm luodâ taid siijđoid, jis jieh lah jo ovdil lamaš lundui.fi-siijđoi kevttee.
Tääl uážuh tiettiđ, kii lii almostitmij tyehin. Mun lam mađhâšemsyergi vuáđututkos uáppee já máttááttâllâm majemuu aarvâs mánuppaje ääigi markkânistem já viestâdem Meccihaldâttâs Paje-Laapi luándukuávdáš Siidast. Muu uáivipargon lii lamaš pyehtiđ oovdân lundui.fi -siijđoid, moh fäälih tiäđuid ovdâmerkkân vandârdemsoojijn kuulmâ eres sämikielân. Tuáivumield lam tast luhostum já jis jieh vala lah uápásmum siijđon te avžuuttâm lieggâsávt uápásmiđ.
Tain aaigijn maaŋgah pargeh káiduspargoost já nuuvt mun-uv lam porgâm pargohárjuttâllâm tuš káiduspargoost. Lam sosiaallâš olmooš te lii lamaš háástu porgâđ pääihist, ko ij lah puáhtám uáiniđ pargoskipárijd persovnlávt. Luhhoost skype-ohtâvuotâ lii toimâm pyereest já lam puáhtám savâstâllâđ nuuvt muu räđđejeijee Kirsijn sehe pargohárjuttâllâm saje markkânistemjuávhoin. Puohnâssân pargohárjuttâllâmäigi lii lamaš tuođâi mielâkiddiivâš já adelâš. Lam oppâm ennuv uđđâ aašijd moin lii vissásávt iše puátteevuođâst. Juáđhám tast ovdâskulij njeigâ uđđâ piegâid aske tievâ uđđâ máátuid.
Tuáivuttâm tunjin mučis keesi vyerdim jâ vuoimijd vaijeeđ taan vaigâdis ääigi paijeel.
Naavdâš olgonliihâdmist, mutâ mušte tááláá avžuuttâsâid
- Koronavirusrávvagat (tavesämikielân)
- Koronavirusohjeet (suomâkiellân)
Lieggâ tiervuođâigijn
Satu Aikio
Mađhâšemsyergi uáppee
Säämi máttááttâskuávdáš