Uđâsarkkâdâh

Lundui.fi iššeen sämikielâi máttááttâsân

Tiervâ mávšulâš sämikielâ ovdâskulij sirdee máttáátteijjee. Tobdoo-uv tust motomin, ete ličij suotâs uážžuđ lase sämikielâlâš materiaal máttááttâsân? Lah-uv smiettâm ete puávtâččih ávhástâllâđ mottoom nettisiijđo máttááttâsâst? Sämikielâlii jieijâs vandârdemsijđostâh lundui.fi puáhtâ leđe vástádâs täid koččâmâssáid. Lundui.fi-siijđoid puáhtá kevttiđ maangânáál ävkkin máttááttâsâst.

Lundui.fi-siijđoid puáhtá kevttiđ maangânáál ävkkin máttááttâsâst. Kove: Kirsi Ukkonen.

Lundui.fi- siijđoin láá jieijâs uásih nuorttâlâš-,anarâs,-já tavesämikielân. Sijđostuv vuáđuld puávtáh ráhtiđ maaŋgâlágánijd pargopitáid. Tom puáhtá avhástâllâđ ovdâmerkkân addelmáin uáppeid jurgâlempargopitá teikkâ oovdânpyehtim toohâm siijđoin kávnoo materiaalij vuáđuld. Jis máhđulâš, te valjiđ veikkâ oovtâst uáppeigijn mottoom siijđoin oovdânpuohtum vandârdemsaje já toohâđ oovtâst suotâs tutkâmušmääđhi tii valjim čuosâttâhân.

Magarin uáináh teikkâ feeriih Lundui.fi- siijđoid? Addel mijjân macâttâs jâ ovdedemiävtuttâsâid vuolgâtmáin šleđgâpoostâ čujottâsân kirsi.ukkonen@metsä.fi. Macâttâs adelejeijei koskân vuárbup kuulmâ luándufáddásâš puovtâpakkeet. Lep pivdám macâttâs sehe Sámi meahcit já luondu- facebook sijđoin ete šleđgâpostáin, já vuárbádmân uásálisteh toi pehti puáttám macâttâsâh. Vuárbum tábáhtuvá 18.5. Čääli šleđgâpoostâ fáddákiädán tubdâldâs “Ovdedemiävtuttâs já vuárbum”.

Lundui.fi -siijđoi macâttâs-já ovdedemiävtuttâs koijâdâllâm lii uási markkânistemviestâdem uáppee hárjuttâllâmpaje pargoid.

Šleđgâpostâ čujottâsân

  • Kirsi Ukkonen, kirsi.ukkonen@metsa.fi