Skammâ lii forgâ pelimuddoost, te Aanaar já Ucjuv peeivij čuovâdis puddâ ovdâl juovláid pištá tuše muáddi tijme. Luándust tot uáivild maaŋgâid šlaajáid tälviliävu.
Algâtälvi lii lamaš liähmus já muotâ lii lamaš uccáá, jis tom verdid koskâmiärálii ihán. Vuosmuš muottuuh muotij já suddii vuáruluvâi uccâ puolâšij já arvešooŋâi kooskâst. Tääl eennâm alne lii 5 – 10 senttid muotâ.

Šoŋŋâ tiäđáttâs loppeed täälvi vuosmuš sälttipuolâšijd val ovdâl juovlâid.
Jieŋâ lii čiehâm uccâ jaavrijd, mut stuárrá Aanaarjävri stuorrâ seelgih láá eskin eidu jiäŋumin. Liähmus šooŋâi tiet jieŋah iä val veltihánnáá kyedi, te val kannat vyerdiđ ovdilgo mana jieŋâi oolâ.

Vandârdeijeeh lijjii moonnâm keesi já čoovčâ ääigi eenâb, ko ovdebij iivij ääigi, já seesoong jotkui kuhháá. Tuuvij já tullâsoojij huolâttempargoh iä lah val peessâm joton, ko muotâ lii uccáá, te liidereh sättih leđe muáddi soojijn leđe kuáruseh.

Aanaar siijdâ Juutuv päälgis lii pyeredempargo lii joođoost, já pargo valmâštuvvoo ive loopâst. Juuvâ tave peln uási pálgást lii kobdedâm ja toho puátih čuovah. Kiäinu lii jo kevttimnáál, veikâ pargoh láá val joođoost. Puátteevuođâst Juutuv päälgis tuállejuvvoo avrajum čoođâ täälvi já čuovâi tiet tot lii máhđulâš kevttiđ kiäinu meiddei sevŋâdâsâst. Pálgá pajaldâseennâm täsiduvvoo val kesimáánust 2021.   

Meiddei Aurora päälgis Urho Kekkosii aalmuglâšmeecist Suáluiseelgi mađhâšemkuávdáást occui čuovâi, moh stivrejeh väzzeid torvolii   väzzimmookán meid ehidist. Kuohtui kiäinuin čuovah láá tagareh, ete  alme čuovâid lii máhđulâš uáiniđ.

Äššigâspalvâlus Paje-Laapi Luándukuávdáš Siidast já Suáluiseelgi Kiehisist palvâl meiddei poosij ääigi. Avelist äššigâspalvâlus lii kiddâ juovlâpeeivij ääigi.

Tave-Laapi Luándupalvâlusâi pargeeh tuáivutteh luánduusteváid pyereh juovlah já pyereh luándupuudah uđđâ ihán.