Uđâsarkkâdâh

Aanaarjäävri Äijihsuolluu porthááh roččuuškyetih

Meccihaldâttâs Luándupalvâlusah algâtteh Äijihsuolluu muorâporthái raččom. Äijihsuálui lii ohtâ pegâlmâsumosijn sämmilij pase soojijn. 

Meccihaldâttâs meridij kiđđuv savâstâlmij já suogârdâllâm maŋa raččođ muorâportháid Äijihsuollust. Merâjotteemlájádâs lii ráhtám suollui ruugâ*, mon tääl haaldâš Vevlivirgádâh, já mon Vevlivirgádâh raččo maŋeláá. Meccihaldâttâs raahtij tááláid portháid ive 2002 stivriđ suollui läddejeijee ulmui jotteem já suoijiđ suolluu kuullâm vuástá. Porthááh älgih leđe kevttimave loppâkeččin já forgâ tuođâlâš äššigâstorvolâšvuotâriskâ.

Ohtâ pegâlmâsumosijn sämmilij pase soojijn

Äijihsuálui lii uáli pegâlmâs já vijđáht kunnijâttum pase saje. Äijihsuollust lii meid kulttuur- já tutkâmhistorjálávt stuorrâ merhâšume. Tot lii väldikodálávt merhâšittee toovlášpasâttâs já Museovirgádâh lii nomâttâm Äijihsuolluu meid Suomâ maailmärbičuosâttuvâi aaigâluvâttâlmân.

Moonnâm ivij lii pirrâ maailm lamaš ain eenâb savâstâllâm tast, maht mađhâšemsyergi ávhástâl algâaalmugij pase sojijguin. Taan ääigi ij lah innig keččum sopâvâžžân rähtiđ já paijeentoollâđ ráhtusijd mađhâšemtooimâ toorjân saajeest, mii lii ohtâ tehálumosijn sämmilij pase soojijn.

Meccihaldâttâs ij lah kieldimin Äijihsuollui monâmist, iäge toos lah ubâ lavâliih vuáđustâsahkin. Toho puáhtá ráhtusij raččom maŋa-uv moonnâđ, mut tobbeen meddâlistojeh ráhtuseh, moh taheh suolluu vijđásub mađhâšemkiävtu máhđulâžžân. Meccihaldâttâs haalijd leđe ovdâmerkkân algâaalmugij pase soojij kunnijâtmist.

Ráhtusij raččomist huolâhánnáá sämikulttuur oovdânpyehtim Äijihsuolluu vievâst lii máhđulâš. Mađhâšeijeeh peesih ain uápásmuđ Äijihsuollui, mut nuuvt et iä laddii suollui. Tääl ovdâmerkkân mađhâšemirâtteijee, kote lii tuálvum mađhâšeijeid suollui, oovdânpuáhtá Äijihsuolluu jäävri alne. Irâtteijeeh iä innig tuálvu suollui stuorrâ olmoošvievâid, já tondiet porthášráhtuseh iä lah innig taarbâšliih.

Lasetiäđuh

*Korjaus 16.10.2020 ”Merenkulkulaitos on rakentanut saarelle 1980-luvulla massiivisen betonilaiturin”-teksti on muutettu muotoon ”Merenkulkulaitos on rakentanut saarelle laiturin”. Näin siksi, koska saimme tiedotteen lähettämisen jälkeen laiturin rakenteista tarkempaa tietoa. Laituri ei ilmeisesti ole niin vaikeapurkuinen kuin aiemmin on oletettu.