Porgâmuš já uáinámuš Paje-Laapi luándukuávdáš Siidast


 

Čáitálduvah

Siida uđđâ čáitálduv nommâ lii “Enâmeh láá mii párnááh” aanaarlii Matti Morottaja čäällim anarâškielâlii tiivtâ mield. Čáitálduv nommâ čuákkee oohtân luándu- já kulttuurfáádái tehálumosijd viestâid.

Čáitálduv kulttuurlâš siskáldâs suogârdâl tom, maht moonnâm ääigih eelih mist – juáhháást iälá maaŋgâhámásâš jieškote-uv äigipoojij ärbi, moin mij vuáhádup nubástussáid jieččân pirrâsijn. Luándu-uáinu puáhtá uáinusân eromâšávt majemuu jieŋâpaje maŋa tiettum šoŋŋâdâhhistorjá já ton lasseen čáitáldâh suogârdâl, et mii šoŋŋâdâhân tábáhtuvá puátteevuođâst. Luándufáádáh kieđâvuššojeh Paje-Laapi suojâlemkuávlui sehe tain tiättojeijee jieškote-uv luándutiijpâi já iälánij peht.

Mulsâšuvvee čáitálduvah

Siidast láá mulsâšuvvee čáitálduvâi várás kyehti viste, main luándukuávdáš já sämimuseo uárnejeh jyehi ive maaŋgâlágán luándu- já kulttuurčáitálduvâid. Luuvâ lase mulsâšuvvee čáitálduvâin Siida viermisiijđoin (siida.fi).

Juávkku-uápistmeh

Siidast láá väridemnáál uápistum joođeetmeh suomâkielân, sämikielân, eŋgâlâskielân, ruotâkielân já saksakielân. Uápistmist lii hadde já tom kalga väridiđ muuneeld. Juávkku-uápistem pištá 1 h. Uápistem heiviittuvvoo tienuuvt, et tot suápá kyessijuávkun. Avžuuttâs lii, et juávkun kuleh enâmustáá 25 olmožid.

Olgomuseo teemauápistem Movsháá šiljoost

Olgomuseo teemauápistem läiđee tuu 150 ihheed ääigist maŋaskulij ááigán, kuás Anarist lijjii tuše muáddi uccâ taaluu já eellim juuđij käävci iveääigi pirrâ. Movsháá táálust tuállojii ton ääigi sehe poccuuh já kuusah. Iäláttâssân ulmuuh kuálástii, miäcástii, nurrii muorjijd já viljâlii smaavâhámásávt.
Uápistem pištá oovtâ tiijme já tot lii finniimist čuávuváid kieláid: suomâkielâ, eŋgâlâskielâ, saksakielâ, ranskakielâ já espanjakielâ. Uápistem hadde lii 130 € / juávkku já tot lii finnimnáál 1.6–30.9.

  • Uápistmân puáhtá lahteđ meid ohjelmnummeer, mast kyesih rähtih uáppá laiđiittâsâst kiiptâ. Pišto 1h 15 min. Uápistem + ohjelm 150 € / juávkku + 5 € materialmáksu / persovn.

Lasetiäđuh Siida uápistmijn (siida.fi).

Äigikyevdilis ääših láá suomâkielâlâš viermipalvâlusâst.