Vandârdem ABC - vandârdeijee ravvuuh

Lijjih tun algâttellee vandârdeijee teikkâ hárjánâm meeccistjottee, te täin sijđoin tun finniih ennuv ravvuid vandârdem várás. Ko vandârdemtááiđuh čoggâšuveh, te vaandârdmist šadda torvolub já vandârdusâin puáhtá navdâšiđ eenâb.

Vandârdem já vajâldem láá pivnohis olgonlihâdemvyevih já astoääigi vandârdem lii Suomâst šoddâmin ain pivnohubbon. Taan ääigi jyehi niäljád syemmilâš läävee vajâldiđ ucemustáá 10 kilomeetter kukkosijd vandârdusâid já jyehi lovváád läävee vajâldiđ pirrâmpeeivi pištee maađhijd. Ulmuuh vandârdeh maaŋgâ suujâst. Vandârdem sáttá leđe veikkâba vyestitiäddu sisâpaargon. Vaandârdmáin puáhtá meid sávrudâttâđ teikkâ aiccâđ elleid já luudijd já navdâšiđ luándust. Uánihis vandârdem-uv jo virkosmit, já lii meiddei čaittum, et olgon liihâdmist láá positiivliih vaikuttâsah ulmuu fyysilii já psyykkisii tiervâsvuotân.

Vandârdem ABC-sijđoh láá kuulmâ luándust jotteem ovdedeijee tááhu oovtâstpargo puáđus: Meccihaldâttâs, Suomen latu (suomenlatu.fi, suomâkielân)Suomen Partiolaiset (partio.fi, suomâkielân). Sijđoh peividuvvojeh puátteevuođâst-uv tađe mield, maid vandârdeijeeh já lohheeh tuáivuh. Muštâl macâttâsluámáttuvváin (suomâkielân) tuoivuidâd tast, main vandârdemaašijn tun halijdiččih lase tiäđu sijđoid. Tun puávtáh meid adeliđ  eres macâttâs sijđoin.

 

Vandârdem ABC puovtâteijeh

Suomâ tuveh – Kevttim já torvolâšvuođâravvuuh
-video

(youtube.com, eŋgâlâskielân)