Ekovandârdeijee váldá pirrâduv vuottân

Vandârdeijee pirrâdâhân kyeskee oonah

Halijdâh-uv muássuđ luándust ruuskijn, kuullâm enâduvvâin já laarmâst peerusthánnáá? Halijdâh-uv, et puátteš suhâpuolvâin láá siämmáálágán máhđulâšvuođah vandârdiđ teikkâ virkosmuđ luándust ko tust? Tun puávtáh vaikuttiđ tavoinâd njuolgist toos, mon ennuv tâi uccáá tuu tääpi toimâđ sreevee já muttá pirrâduv. Meiddei tast lii merhâšume, magarijd tävirijd tun skappuuh.


Täin sijđoin tun finniih tiäđu vandârdem háitulâs vaikuttâsâin pirrâdâhân já tiervâsvuotân já ton lasseen vuovijn, moiguin taid puáhtá kepidiđ. Siemin láávháš häävild lii tuárvi pirrâduv šeštimân. Tot lävkki puávtáččij leđe veikkâ vandârdem vuávám já valmâštâllâm:

  • mii ličij suotâs vandârdemčuosâttâh?
  • maht vandârdemčuosâttâhân piäsá?
  • magareh vandârdemkáálvuh fáárun? Kost taid finnee? 
  • mii evvisin?
  • maht evviseh pakkajuvvojeh?