« Takaisin

Tivvoom-, huksim- já puáldimpargoh Aanaar kuávlust

5/18/18
Juvduu pálgá tulvepiilij tivvoompargoh vyelgih joton ohhoost 21, jis siijvo peeleest paargon piäsá. Vistig huksejuvvoo koskâpuddâsâš šalde já maŋeláá pisovâš uđđâ huksiittâs, mii killáá tuulvijd puátteevuođâst. Arvâlus lii, ete huksimpargo pištá oho 21.
 
Tulvepiilij tivvoompargoh vyelgih joton Anarist. Kove: Kirsi Ukkonen
 
Njuámmilcooskâs láávu uđđâ liider já Inva-WC huksejuvvoo kesimáánust. Puáris liider lii jo  pieđgejum. Huksimpargo ääigi puáldimmuorah puáhtoo láávu peeŋkâi vuálá. Puáris WC páccá kiävttun nuuvt kuhháá, ko uđđâ WC lii vaalmâš. Huksimpargo piäsá joton kesimáánu aalgâst já pištá máánu loopâpiällán.  
 
Uđđâ rakânâsâst lii liider já Inva-WC, kuus piäsá pyerástoovlijn já išedeijein. Puáris liider já WC puátih kiävttun Aanaar jäävri suollust.
Jis sijvo peeleest lii máhđulâš, Meccihaldâttâs puáldá Solojäävri Kerrisnjaargâ kiedi ohhoost 21 já hoittáá tom eellimpiirâs  tienuuvt.