« Takaisin

Säämi mainâsärbivyehi já luándu uápisin

4/5/17

Siida uđđâ párnáičáitáldâh Kieddikeejist lehâstuvvoo cuáŋuimáánust. Čáitáldâh lii mätki säämi párnáikulttuurân já tave kuávlu luándun. Sämimuseo já Tave-Laapi luándukuávdáá Siida oovtâst pyevtittum párnáičáitáldâh lii Siida skeŋkkâ čyeti-ihásâš Suomâ párnáid. Čáitáldâh kulá Suomâ 100 -tábáhtussáid.

Kieddikeeči lii saje, kogopeht šiljo nohá já mecci álgá. Tobbeen áásá Kieddikeš-ákku já mätki mainâsij maailmân álgá. Kieddikeš-ákku uápist já joođeet koijâdeijee. Párnáičáitáldâh puáhtá oovdân sämipárnái eellim sii jieijâs uáinust. Tot lii suotâs saje, kost kávnoo toomâ já hure.

Čáitáldâhân kuleh meiddei kulttuur já luándun kyeskee pajasšoddâdemmateriaaleh já pargopáájáh. Kieddikeejist páárnáš uáppá aiccâđ luánduimmâšijd, tot fáálá vuáđutiäđuid luándutiijpâin já máttát jotteeđ luándust nuuvt, et kuldâl já kunnijât tom.

Čáitáldâh lii Suomâ puoh kuulmâ sämikielân sehe suomâ- já eŋgâlâskielân.

Kieddikeejist-párnáičáitáldâh lii uáinimnáál Siidast 7.4. 2017 - 8.4.2018.

Lasetiäđuh