« Takaisin

Puáris aaigij tälvi poođij Anarân

12/19/17

Taan ive tälvi poođij Anarân nuuvt puorijn aaigijn, ete täälvi meccipargoh láá peessâm joton. Muottuu kieŋŋâlvuotâ Anarist lii jo 40-50 senttid.

Moottorkiälháluodâi miärkkumpargo Aanaarjäävri alne lii álgám. Ovdil Juovlâi kiergâneh valmâšin  Inari-Ivalo já Ivalo-Nellim kiäinuh. Aanaarjäävri alne kannat vala pissoođ merkkejum riddokiäinui alne, ton tiet ko seelgih láá jieŋŋum eskin muáddi oho tassaaš. Stuorrâ seelgij oolâ ij kannat vala jotteeđ.

Eres soojijn Anarist kiälkkákiäinui miärkkum piäsá joton luáppijááh maŋa.

Kove: Aimo Leppäkangas

Ucjuuvâst lii meiddei muáttám já tobbeen  muottuu kieŋŋâlvuotâ Anarist lii suullân 43-40 senttid. Ucjuv kuávlust vuávám lii merkkiđ kiälkkákiäinuid uđđâivemáánu loopâst.

Váruttâs Buolbmátjäävri jotteid: Buolbmátjäävri alne lii morrumjieŋâ já láá čuhâ jieŋah parfajeh tobbeen.

Aanaar já Ucjuv kuávlust lii tállân paijeel 20 cekkid puolâš. Tagarijn tälvitubdâmušâin  Meccihaldâttâs Luándupalvâlus pargeeh tuáivutteh Torvoliih já Rávháliih Juovlah.