« Takaisin

Kiđđâtiervuođah Aannaar já Ucjuv kuávlust

4/11/18
Moonnâm ohoi ääigi Aanaar já Ucjuv kuávluin láá lamaš purgâšooŋah, mut meiddei piäiváš lii páštám.  Ennuv uđđâ muotâ lii pááccám eennâm oolâ veikkâ tot lii-uv tääl mooniiverdi teddum. Kiddâ lii kuittâg puátimin Paje-Laapin já čuovâ lassaan ubâ ääigi.   
 
Peeivipaašâ Paje-Laapist. Kove: Aimo Leppäkangas.
 
Muotâ lii Aanaar -Ucjuv kuávlust suullân 75-90 senttid.  Njäbbi ij lah val lamaš, te cuáŋuigin ij lah, pic lii muovlâ. 
 
Čaasij láá val jiäŋŋum já merkkejum kiäinui alne lii val torvolâš jotteeđ. Jieŋâkiäinui ulguubeln kalga mušteđ, ete virdesoojijn jieŋah láá hiäjušeh ijge tobbeen kannat jotteeđ. Kossuv já lusis muotâkeerdi tiet oškâstškuát. 
 
Kiđđâpeivi Menišjäävrist. Kove: Kirsi Ukkonen
 
Ucjuv, Čevetjäävri, Aanaar já Lemmee kuávlui roske-, hiivsig- já puáldimmuorâhuolâttâspargoh láá valmâšeh. Čuávuvâžžân pargo vyelni láá tuuvij tullâsoojij já kaasusojopoccei tärhistempargoh sehe suovâpoccei ruottimpargoh. Talle puoh lii valmâšin vandârdeijei várás já keesi puáhtá puáttiđ. 
 
Guivi-tuoddâr čokke. Kove: Aimo Leppäkangas.