« Takaisin

Aalmuglâšmeecist čuájá laavlâ luándun

8/18/17

Jyehi aalmuglâšmeecist čuájá laavlâ 100-ihásâš Suomâ luándun lávurduv 26.8.2017. Nuuvt meiddei Lemmee já Urho Kekkonen aalmuglâšmeecijn. Muusikist já heerskuin piäsá navdâšiđ olgon, kuávdoo luándu. 

UK-aalmuglâšmeeci Aurora-tábáhtustuuveest álgá tij 12 Luonddulaš lavluuh -kuorokonsert. Konsertist lávluh Aanaar aalmuglâšopâttuv nissoon- já almaikuoro já Avveel almailávlooh -kuoro. Kuoroid joođeet Katri Kittilä. Konsertân ij lah siisâpeessâmmáksu. Tábáhtussaajeest puáhtá uástiđ Saariselkä siijdâseervi vyebdim heerskuid. 
 
Tääl Lemmee aalmuglâšmeecist Kaabi Joovnâ saajeest láá reŋgân nelji jyelgi pargeeh. Puáhtá uáiniđ, maht saavzah väldih tom, ko laavlâ čuojâškuát sii kuáttumenâmijn. 
 
Kove: Kirsi Ukkonen
 
Gábe Jovnna kiedist čuájá muusik puoh kuulmâ Suomâst sáárnum sämikielân já jieškote-uv kielâjuávhu jieijâs ärbivuáválijn stiijlâin. Konsertist lávluh Satu Aikio, Hanna-Maaria Kiprianoff, Anna Lumikivi, Laura Pieski já Marko Jouste.  
 
Eehid ääigi kuullâp meid Kaabi Joovnâ saje paijeel čyeđe ihásii historjást já ton merhâšuumeest. Uápisteijen lii Oda-Liv Koivisto. Kaabi Joovnâ kiedi ärbivuáválii enâduv tipšoost muštâl Meccihaldâttâs suojâlembiolog Mia Vuomajoki. Konserteehid mij lopâttep toos, et peessâp herskuttâllâđ luánduamnâsijn mälistum purrâmušâin, maid Heikki Nikula lii tom mii várás mälistâm.   
Ohjelm Kaabi Joovnâst álgá tijme 16, mut toho lii 5 miinut kärbismätki Njurgoiluovtâst. Kárbáh jođeškyetih kuosijd tijme 15 rääjist juuvâ rasta. 
 
Lemmee tilálâšvuotân uárnejuvvoo moonnâm- já puáttimsáttu Suáluičielgi-Avveel-Aanaar-Lemmee. Lemmee konsertist, purrâmušâst já sáátust piärroo uccâ máksu. 
 

Almootmeh já lasetiäđuh:

Puáđi  tun-uv ávudiđ Suomâ luándu oovtâst iärásijguin!