Tiätusyejičielgiittâs Lundui.fi -siijđoin


Meccihaldâttâs Lundui.fi -siijđoh láá puohháid ávus siijđoh, kost muštâleh Meccihaldâttâs mokkemätkičuosâttuvâi palvâlusâin já äigikyevdilis aašijn.

Tiäđui nuurrâm

Lundui.fi -siijđoin noreh kevttei tiäđuid macâttâsluámáttuvváin já rijjâtátulij registeristemluámáttuvváin.

Macâttâsluámáttuvváin kevttee puáhtá nuuvt haalijddijn kyeđđiđ suu ohtâvuotâtiäđuid, jis sun haalijd vástádâs suu macâttâsân. Macâttâsluámáttuvváin puáhtá adeliđ čuávvoo persovntiäđuid: nommâ já šleđgâpostâčujottâs.

Rijjâtátulij register persovntiäđuid finnejeh njuolgist persovnijn já toh hämmejeh Meccihaldâttâs Luándupalvâlusâi rijjâtátulâštooimâst perustum ulmui register. Rijjâtátulij registeristemluámáttuvváin puáhtá adeliđ čuávvoo persovntiäđuid: nommâ, puhelin, šleđgâpostâ já čujottâs. Rijjâtátulij register registerčielgiittâs: www.luontoon.fi/vapaaehtoistoiminta/tietosuojaseloste (suomâkielân).

Tiäđui kieđâvuššâm já luovâttem

Macâttâsluámáttuvváin nurrum tiäđuh sirdâšuveh Meccihaldâttâs pirâs- já kvaliteetvuáháduv macâttâsvuáđun. Persovntiäđuid iä luovât Meccihaldâttâs ulguubeln já toh kieđâvuššojeh tuše ETA-kuávlu siste.

Rijjâtátulij register persovntiäđuid iä luovât Meccihaldâttâs ulguubeln já toh kieđâvuššojeh tuše ETA-kuávlu siste. Rijjâtátulij register registerčielgiittâs: www.luontoon.fi/vapaaehtoistoiminta/tietosuojaseloste (suomâkielân).

Tiäđui siäiluttem

Macâttâsâi ohtâvuođâst adelum persovntiäđuh siäiluttuvvojeh nuuvt kuhháá ko macâttâs kieđâvuššâm Meccihaldâttâsâst váátá.

Rijjâtátulij register siäilutteh nuuvt kuhháá ko rijjâtátulâštoimâ Meccihaldâttâsâst váátá.

Tiäđui suoijim

Lundui.fi -siijđoi suoijimist nuávditteh šiev tiätutorvovuáháduv sehe vyeimist orroo laavâid já njuolgâdusâid sehe toid tievâsmittee Meccihaldâttâs ravvuid. Vuáháduv kevttim lii räijejum kevttimvuoigâdvuođâiguin tuše ulmuid, kiäh tarbâšeh tiäđuid pargostis.

Niästádâsâi kevttim

Lundui.fi -viermipalvâlusâst kevttih niästádâsâid ("cookies") já eres västideijee tekniikijd, tego laađđâm páihálii vuárhá ("local storage"). Niästádâsah láá om. tiättur teikâ puhelin laađđâm já server koskâsiih uccâ tekstâvuárháh. Niästádâsâin já eres tubdâldâsâin lii miäruštâllum vyeimistorrooäigi, mon maŋa laađđâm váldá meddâl tubdâldâs. Mij kevttip taid tekniikijd tooimâi olášutmân sehe analytiikân.

Laađđâm asâttâsâin kevttee puáhtá nuuvt haalijddijn kieldiđ niästádâsâi vuástáväldim teikâ sikkođ meddâl suu laađđâmân vyerkkejum niästádâsâid. Taat puáhtá kuittâg tovâttiđ vááijuvvuođâ siijđoi toimâmist.

Analytiikân čuosâtmân kevttum tiätu lii rahtum nomâtteemmin ain ko tot lii máhđulâš. Mudoi mij kieđâvuššâp tiäđuid persovnlâžžân tain oosijn ko tubdâldâs ana sistees äššigâs čuosâtteijee tiäđuid, tego IP-čujottâs. Meid tubdâldâsah, moh láá ovtâstittum äššigâsân mahtnii, kieđâvuššojeh persovnlâš tiättun. Analytiikân kevttum tubdâldâsâi vyeimistorrooäigi lii 30 s-24 mp.

Mij anneep  Google Analytics mii siijđoi kiävtun lohtâseijee analyytikâst. Tiätu, mon vuolgâttep Googlen, lii rahtum nomâtteemmin. Luuvâ lase Google Analytics tiäđui kieđâvušmist (https://policies.google.com, suomâkielân).

Analytiik kevttim tubdâldâsâin puáhtá kiäldádâttâđ nuuvt, ete váldá kiävtun laađđâm Do Not Track -tooimâ já aasât laađđâm hilgođ kuálmád uásipele niästádâsâid.

Viermipalvâlus kiävtust noreh almolijd lovottâhlijd tiäđuid palvâlus ovdedem várás. Palvâlus kiävtust noreh čuávvoo lovottâhlijd tiäđuid: oleskevttee- já sijđokeččâmmereh, čuákkimij mereh já koskâmiärálii pištem, máccá-uv kevttee sijđoid vâi puátá-uv sun sijđoid vuossâmuu keerdi,  mon viermičujottâsâst kevttee lii puáttám, enâmustáá kevttum uuccâmsäänih, pivnohumos siijđoh, kevttum kiäjuspiergâseh, laađđâmversioh já almolumos palvâluspyevtitteijeeh. Viermipalvâlus kevttein iä nuurâ persovntiäđuid, main puávtáččij tubdâđ ovtâskâs kevttee. Lovottâhlávt nurrum tiäđuid ij paste ovtâstittiđ nubijdis. Kiävtu čuávvum vuáđuduvá Google Analytics -raportistmân, mast kiävttoo Google Universal Analytics –ohjelmij (lasetiäđuh: https://support.google.com/analytics/answer/2838718?hl=en&topic=2790009, eŋgâlâskielân) já Google Tag Manager -ohjelmij niästádâsâid. Toos lasseen ovdâsiijđo sierâ oosij kevttim (spokkâlmij já siijđoi jurâttem meeri) čuávuh CrazyEgg -ohjelmijn já ton niästádâsâin (lasetiäđuh: https://help.crazyegg.com/article/103-new-vs-returning-visitors, eŋgâlâskielân). Nurrum tiäđuid iä paste ovtâstittiđ nubijdis. Kiävtu mittedmân kiävttoo Google Tag Manager JavaScript-koodi.

Viermipalvâlusân láá vuájuttum uáinuh kuálmád uásipele viermipalvâlusâin, moh sättih asâttiđ tuu laađđâmân niästádâsâid:

Registeristum ulmuu vuoigâdvuođah

Registeristum ulmust lii vuoigâdvuotâ pivdeđ registertuállest sunjin kyeskee tiäđuid sehe vuoigâdvuotâ pivdeđ epitärhis já puástutiäđui njuolgim já toi kieđâvuššâm raijim nuuvt kuhháá ko visásmiteh ete tiäđuh tuálih tiäivás. Registeristum ulmust lii meid vuoigâdvuotâ toohâđ väidim kocceemvirgeomâhâžân persovntiäđui kieđâvuššâmtooimâin.

Register tuállee ohtâvuotâtiäđuh

Tiätusyejičielgiittâsân já registeristum ulmuu vuoigâdvuođáid kyeskee koččâmuššáid västid vuosâsajasávt vuáháduv registerovdâsvástádâsolmooš Outi Mäenpää (outi.maenpaa(at)metsa.fi, 0206394616) sehe tiätusyejivästideijee Tomi Saarisilta (tomi.saarisilta(at)metsa.fi, 0206394041). Tiätusyejiaašijn mij pivdep väldiđ ohtâvuođâ vuosâsajasávt kirjálávt njuolgist registertuállei: Metsähallitus/Kirjaamo, PL 94, 01301 Vantaa teikâ muulsâiävtulávt čujottâsân: tietosuoja(at)metsa.fi.