Luándumohe vyelgimsaje

Lundui.fi addel äigikyevdilis tiäđuid aalmuglâšmeecij já eres Meccihaldâttâs vandârdemčuosâttuvâi palvâlusâin. Vaandârt já virkosmuu čuálččáás čuosattuvâin!

Uási kuávlukuvviittâsâin

lii tavekielân já uási
kuávlukuvviittâsâin
lii Nuõ´rttsaa´mi

Čuosattuvâi káártáh viermist

Staatâ kuálástemmáávsuh já –loveh

Eraluvat.fi

Uđđâseh

« Takaisin

Helsig kielâpiervâl párnááh uápásmuvvii Kieddikeš-áákun

5/28/18

Mii lii Kieddikeš-ákku já moh láá suu usteveh, naba maht Kieddikeš-ákku rävvee párnáid? Tággáár lâi Meccihaldâttâs ornim Kielâpiervâl Maddâpiegâ párnái sämikielâlii luándupajâsšoddâdem pargopáájá juonâ Helsig kuávdášmeecist.

Helsig kielâpiervâl párnááh uápásmuvvii Kieddikeš-áákun. Kove: Kirsi Ukkonen

Helsig kielâpiervâl párnááh pessii kuullâđ Kieddikeš-ááhu vijses ravvuid já uápásmuđ suu skipáráid Pasila Kuávdášmeecist šeelisčááccád aijuu piällást. Kieddikeš-ákku áásá kieddikeejist poovnâ vyelni já lii iällám tobbeen jo kuhes ääigi. Sun tiätá ennuv aašijd já lii kuhes eellim ääigi uáinám veikkâ maid.  Kieddikeš-ááhu ravvim lii epinjuolgâd  sänivaaijâsij, mainâsij já arvâlusâi peht. Tondiet lii tehálâš kuldâliđ tárkká. Ovdâmerkkân Kieddikeš-ákku puáhtá koijâdiđ, et mii lii aaleeb ko vääri mut vyeligub ko vuorâččâsmyerji. 
 
Aijuu kulen láin meiddei vuáŋŋáš já čáhálig ja sunnuu lasseen tobbeen lijjii kyeleh, lodeh, myerjih, kuobbâreh já taggaar rääsih moh poreh piärgu. Vuáŋŋáš uáinoo tuše taggaar čaasij piällást, kuus párnááh iä uážu moonnâđ ohtuu teikkâ lovettáá. Čáhálig vuod lii käldee häldee, kote vähtee käldee aarni. Tot lii uáli ärgis huáđđoo já käldee aarnihân lii putes čääci. Eres čäcielleeh, tego veejeeh, vuáskun, puško já njäähi, vuod lijjii párnáid eenâb uáppáseh.
 
Kieddikeeji kyeleh Pasilast. Kove: Kirsi Ukkonen
Puurrâmrääsi já "piärguporreešadoh" kiäsuttii párnáid já sij smiettii, et láá-uv Säämist tuođâi-uv taggaar šadoh moh poreh ulmuid? Tuotâvuođâst juuvâ- já jävriridoi puurrâmrääsi lii sämmiláid tehálâš šaddo ko sij láá kiävttám tom táálhudmân. Pargopáájást šadoh, moh poreh piärgu, lijjii kiärpášlostâ já cissáátivgâ, mooid tivreh tarvaneh já šadoh kevttih tom piämmun.
 
Pargopáájist aijuu piällást párnááh pessii meiddei uápásmuđ kuávskán já riävskán. Kuávská kale Pasila Kuávdášmeecist puáhtá uáiniđ, mut riävská ij tobbeen oinuu, eereeb ko sierâriävská. 
Meccihaldâttâs tooimâ ohtân ovdâsvástádâssân kulá luándupajasšoddâdem já sämikielâi pajedem. Pargopáájá lâi ton peeleest meiddei eromâš, et kielâpiervâl orjâlâškielâliih párnááh pessii kuullâđ anarâškielâ, ko Kirsi Ukkonen Luándukuávdáá Siidast sáárnui anarâškielâ já Meccihaldâttâs sämikielâlii tieđetteijee Pentti Pieski pajekielâ.
 
Pargopáájá vuáđđun lâi Kieddikeejist -párnáičáitáldâh, mii lâi uáinimnáál Sämimuseo já Luándukuávdáš Siidast 7.4.2017– 8.4.2018.
 
Lasetiäđuh
  • Eromâšvuávájeijee Kirsi Ukkonen, Meccihaldâttâs, puh 0400 479 986, šleđgâpostâ: kirsi.ukkonen(at)metsa.fi
  • Sämikielâlii tieđeetteijee Pentti Pieski, Meccihaldâttâs, puh 040 7696 109, šleđgâpostâ: pentti.pieski(at)metsa.fi