Njellim palvâlusah

Äššigâspalvâlem já uápistem

• Njellim kärbishamânist lii uápistemtavlu.
• Lasetiäđuid Njellim kuávlust já luuvijd finnee Meccihaldâttâs Avveel palvâlemčuággást já Paje-Laapi luándukuávdáš Siidast.

Oovtâstpargopeelij faallâm palvâlusah Njellim kuávlust

Irâttâsah tâi eres oovtâstpargotááhuh (suomâkielân) fäälih palvâlusâid Njellim kuávlust. Tain lii oovtâstpargosopâmuš Meccihaldâttâssáin, já toh olášuteh killájeijee luándumađhâšem vuáđujurduid.

Purâdem, mälistem já evvisij haahâm

Kähvivisteh, ravâdâsviäsuh já puuvdah

• Erähotelli Nellim ohtâvuođâst lii kähviviste-raavâdviäsu. Mudoi aldemuuh kähvivisteh, raavâdviäsuh já käävpih láá Avelist.

Tulâstâllâmsajeh

• Njellim vuojâttemrääni kulen lii tipšum tulâstâllâmsaje, mon ohtâvuođâst lii pelikuáti.
• Aanaarjäävrist láá maŋgâ tipšum tulâstâllâmsaje já ävđintuve. Njellimist aldemustáá lii Speinjaargâ kárbáinjotteemtoorjâsaje já kuáti, mon kuuvl lii mätki suullân vittâ kilomeetter.
• Meccipuáluváruttâs ääigi ávustuulâ cokkiittem lii kieldum.

Juuhâmčääci

• Kuávlu jaavrij, aijui já juuvâi čääsih láá táválávt juvâttetteeh, mut čádáduvvâi čaasij tääsi ij lah tutkum.
• Aanaarjäävri čääsi aaibâs Njellim siijdâ aldasijn ij kannat kevttiđ juuhâmčääccin, mut kolgee čaasij čääsi puáhtá juuhâđ nuhtán.

Pasâttâshuolâttâs

• Njellim kärbishamânist lii ekosaje laasâ, pááppár já meetaal várás.
• Luuvâ lase roskettes vaandârdmist.

Koškehiivsigeh

• Vuojâttemrääni tulâstâllâmsaje ohtâvuođâst lii koškehiivsig.

Ijâstâllâm

Teltastâllâm

• Čuákkipaaihij ulgguubeln puáhtá rijjâ ijjâdiđ telttaast jyehiulmuu vuoigâdvuođáin.

Ävđintuveh já láigukámpáh

• Njellim kuavlu ij lah äađintuveh teikkâ láigukámpáh.

Ijâstâllâm aassâmvavnust tâi -avdost

• Ijjâsajepalvâlusah kávnojeh Njellimist, Avelist, Anarist já Suáluičielgist. Aldakuávlui irâtteijeeh fäälih ijjâsajepalvâlusâid (laplandnorth.fi, suomâkielân).
• Lase aldakuávlui ijjâdemmáhđulâšvuođâin puáhtá koijâdâllâđ Aanaar kieldâ (inari.fi) mađhâšeminfoost.

Lihâdemiästulij palvâlusah

• Kuávlust iä lah palvâlusah lihâdemiästulij várás.

Kárbáin jottei eromâš palvâlusah

Väävlih

• Aanaarjäävrist láá vävlimiärkkumeh, maid lii pyeri nuávdittiđ jäävri karguuvuođâ keežild.
• Vaavlij almolâš jotteemčieŋŋâlvuotâ lii 1,8 meetterid. Motomijn kiäzáduvvâin já ridoi aldasijn jotteemčieŋŋâlvuotâ lii ohtâ meetter. Táválávt jävrikuávlu tuuvijd lii älkkee aldaniđ, mut tuuvij kuuvl iä jođe merkkejum virgáliih väävlih.
• Aanaarjäävri kárbáinjotteemkáártán (nr 480) láá merkkejum kärbisjotolâhväävlih já čieŋŋâlvuotâkavreh.

Puáldimamnâsij faallâm

• Aldemuuh puáldimamnâsij vyebdimsajeh láá Avelist.

Eres palvâlusah aldakuávluin

• Aldemuuh käävpih, tiervâsvuotâkuávdáš já apteek láá Avelist.