Piilola päälgis lii vátávâš vandârdemkiäinu miäccáávuođâs keežild. Vandârdeijest kalga leđe tooleeb vandârdemhárjánem já šiev mecci- já sundedemtááiđuh. Kiäinust láá uccáá jotteem išedeijee ráhtuseh tegu pardalâsah já šaldeh, já juuvâid ferttee-uv iänáážin käälliđ rasta tâi lávkkuđ keeđgij mield. Pardalâsah láá hyenes oornigist já toi mield väzidijn kalga leđe várugâs. Kiäinu lii merkkejum Suomâ peln muorâstuálpuiguin já Taažâ peln malâtiälhuiguin, moh láá máálájum muoráid tâi keđgijd, sehe muorâoovsijn hiäŋgájeijee širottâsâiguin. 

Enâduv alodâh ij mulsâšud meendu ennuv, mut kiäđgáás eennâmvuáđu hittood jotteem. Piilola pálgá raavâlâš vandârdemäigi lii kuulmâst neelji piäiván. Vissásumosávt kiäinu puáhtá jotteeđ kesimáánu pelimudo já čohčâmáánu loopâ koskâsii ääigi ađai kiđđâtuulvij maŋa ovdláhháá ääinig myettim räi. Meeci tiileest lii pyeri koijâdiđ muuneeld Avveel palvâlemsaajeest tâi Luándukuávdáš Siidast. Kiäinu ij lah iästuttem.