Čaarmâuáivái ravvuuh já njuolgâdusah

Kesienâmist mätkivyeššee, muorâst rahtum pollo já šišnesekkâ.

Čaarmâuáivái meccikuávlu lii Suomâ meccikuávluin ucemus já vandârdem tááhust ton šiev peeli lii-uv juvsâttetteevuotâ. Ele tipte uccevuođâ filliđ – kuávlust iä keevâtlávt lah palvâlusriäiduh, já nuuvtpa tobbeen joteh iänáážin hárjánâm já jiešráđáliih vandârdeijeeh.

Uápásmuu kuávlun muuneeld Káártáh-siijđostRetkikartta.fist. Vääldi huámášumán, et tun vandârdah puásuituálukuávlust.

Jotteem já leirâdâttâm
Tulâstâllâm
Eres ravvuuh
Torvolâšvuotâ

Jotteem já leirâdâttâm

Čaarmâuáivái meccikuávlust láá vyeimist juáhháá vuoigâdvuođah. Kuávlust iä lah lyeniliteh siähálâspasâttâsâi várás. Tuálvu fárustâd tom, maid puohtih. Uápásmuu Vandârdemetiketân. 
Pennui kiddâ tolâmist siäđuduvvoo miäcástemlavváinoorniglavváin (finlex.fi, suomâkielân). Vääldi huámášumán luovâsin kuáttoo poccuid.

Tulâstâllâm

Meccihaldâttâs lii jieijâs miärádâssáin adelâm almolii love tuulâ cokkitmân Säämi meecijn, já nuuvtpa tun puávtáh tuulâ puáldimân kevttiđ enâmân koččâm koške oovsijd, riisijd já uccâ kuodduužijd.

Eres ravvuuh

Eres ko juáhháá vuoigâdvuođáid kullee tooimân tarbâšuvvoo váldunjuolgâduslávt Meccihaldâttâs lope. Tággáár puáhtá leđe ovdâmerkkân tutkâmtoimâ, uárnejum tábáhtusah já elleekuuvij tâi máinusij kuvvim enâduvâst. Lasetiäđuh tárbulijn luuvijn: tutkâm- já jotteemloveh (metsa.fi, suomâkielân) tábáhtusâi loveh já almottâsah (metsa.fi, suomâkielân)

Torvolâšvuotâ

Uápásmuu vandârdemčuosâttâhân muuneeld. Šoŋŋâennustâsâi já váruttâsâi (ilmatieteenlaitos.fi, suomâkielân) čuávvum iššeed määđhi luhostuumist.

  • Kárvudât vandârdemmáátkán kirjáht já šooŋâ miäldásávt. Fáárun kannat väldiđ meiddei vuosâišepakkeet. Jis šadda eeti, ovdâmerkkân jis tun čájádah, parttâšuuh teikkâ aaicah meccipuálu, te suáiti numerân 112 já almoot etitiileest. Tiäđuh etitiileest toimâmist (suomâkielân).
  • Mušte kyeđđiđ almottâs alnaad, jieijâd äigitaavlust já jieijâd kiäinuvuáváámist jieijâd usteváid já aldaulmuid.
  • Mätkipuhelimeh kullojeh Čaarmâuáivái meccikuávlust viehâ pyereest eereeb motomijn kávčáldâhvijđoduvâin.
  • Čaarmâuáivái meccikuávlu lii viehâ ucce já tondiet heivee meiddei taggaar vandârdeijei, kote ij lah hárjánâm jotteeđ meecist mut máttá sundediđ. Čaarmâuáivááh láá kuittâg puigâ meccikuávlu, já taveluándu tileh já merkkejum kiäinui já aitârdum tuvij váilum väätih áášánkullee piergâsijd: káártáid, kompas, telta, pihtâsijd, uáđđimseehâ já tuárvi purrâmâš.

Čaarmâuáivái meccikuávlu lii arktisâš kuávlu, mii váátá riäiduin sierânâs jiešvuođâid. Koskâkeesi-uv tilálâšvuođah pyehtih jotelávt muttuđ kuárdee paahâst čuáskimis myettei. Tälvipuolâšij ääigi puáhtá puolâš pisottâllâđ maaŋgâid peeivijd -20 ceehi vuoluubeln. Jis ij lah rahttâttâm olmânáál iäge toháliih riäiduh lah fáárust, te mätki sáttá leđe varâlâš.