Čaarmâuáivái kuosâvyevdi lii meccikuávlu vááimus. Tuot kuosâvyevdi lii Suomâ tavemus pođhâttes kuosâvyevdi. Kuosâvyevdih eletteh kuosâvuovdij luudijd. Tobbeen skuávkkáátteh čuuvčáh já pogguuh njurgiisteleh. Kuácceeloodán, kiirjâgsuájápaaccâhlodážân, muorâkuáráttâhhân já kierâččân tuoddâr vuálááh kuosâvyevdih láá päikkimeecih.
Kuosâvuovdij paajaabel luptâneh jolgâ tuoddâreh. Puolžiih já siemin juvviih uápisteh máđhálii kuosâvuovdij čoođâ tuoddârij vuálá. Tuoddârij oolâ kuárŋudijn piäsá jotelávt uápásmuđ jieškote-uv šaddodâhstielâsáid, main alemustáá lii jolgâ tuodâraalaaš. tuodârsuáhivyevdi lii hyeneeht ovdánâm tâi váilu ollásávt, kuosâ taha tääbbin ordârääji. Tuoddârij aalain lekkâseh hormišis várduseh Suáluičiälgán, Pänituoddârân já nuortâs Hiipinä kuávlun.
Pahaskurrâ fáálá šaddoid kyehti sierâlágán šoddâmsaje. Nuorttân viestârân jottee kuurâ taveviältán taha piäiváš vuovâs lieggâ mikrošoŋŋâduv, ko vist máddáápele vieltti lii tavaskulij, iäge lieggejeijee piäiváá suonjâreh ole toos. Máddáápele vieltti lii šoddâmsaijeen koolmâs já laavtâs, iäge tast ceevzi eres ko arktisiih šadoh. Káránâs pessee kuurâ máddáápele suoivuus pähtikoorvijn.
Čaarmâuáivái meccikuávlu lii pittááš kuoskâmettum tavemeecijn kuávdoo meccituálukuávlu. Tagarin tot lii tivrâs suojâlemčuosâttâh já mušto tolebijn vijđes meccikuávluvuovdijn.